काठमाडौं ।
रेडमीले आफ्नो के सिरिज अन्तर्गत नयाँ रेडमी के९० म्याक्सको घोषणा गरेको छ। यो फ्ल्यागशिपमा चिपसेट, बिल्ट–इन कुलिङ फ्यान र १००वाट चार्जिङ भएको ८,५००एमएएच सिलिकन कार्बाइड ब्याट्री समावेश गरिएको छ।
रेडमी के सिरिजले विशिष्टताको हिसाबले निरन्तर उत्कृष्ट प्रदर्शन गरिरहेको र भर्खरै घोषणा गरिएको रेडमी के९० म्याक्स त्यसको पछिल्लो उदाहरण हो।
के९० म्याक्समा मिडियाटेकको फ्ल्यागशिप डाइमेन्सिटी ९५०० चिपसेट, १६जीबी सम्मको एलपीडीडीआर५एक्स र्याम र १टीबी यूएफएस ४.१ स्टोरेज समावेश गरिएको छ।
चिपलाई समर्पित शाओमी डी२ ग्राफिक्स चिपसँग पेयर्ड गरिएको छ र रेडमीले एनटुटु भी११ मा ४,१६१,३७४ स्कोर प्राप्त गरेको जीएसएमएरिनाले रिपोर्ट गरेको छ।
के९० म्याक्समा रहेको ६,०००एमएम२ भेपर चेम्बर स्पिनिङ फ्यानसँग मिलेर डिभाइसको आन्तरिक तापक्रमलाई १० डिग्रीसम्म घटाउन सक्ने उल्लेख गरिएको छ। साथै के९० म्याक्सले अझै पनि आईपी६६/६८/६९ इन्ग्रेस सुरक्षा प्रदान गर्ने बताइएको छ।
के९० म्याक्समा २,७२२ × १,२८० पिक्सेल रिजोल्युसन, १२ बिट कलर्स र १६५ हर्ज रिफ्रेस रेटसहितको ६.८३ इन्चको एएमओएलईडी समावेश गरिएको छ। टीसीएल–निर्मित प्यानलमा एम१० ल्युमिनस टेक्नोलोजी रहेको छ र यो ३,५०० निट्स पीक लोकल ब्राइटनेसको लागि रेटिङ गरिएको छ।
प्यानलले अल्ट्रासोनिक फिङ्गरप्रिन्ट स्क्यानरलाई एकीकृत गर्दछ र पञ्च होल कटआउट भित्र २० मेगापिक्सेलको फ्रन्ट–फेसिङ क्यामरा पनि प्याक गर्दछ। फोनमा बोस साउन्ड ट्युनिङ भएको स्टेरियो स्पिकरहरू पनि रहेका छन्।
क्यामराको सन्दर्भमा के९० म्याक्समा ओआईएस सहितको १/१.५५–इन्च ५० मेगापिक्सेलको मुख्य शूटर (लाइट हन्टर ८००) र ८ मेगापिक्सेलको अल्ट्रावाइड लेन्स (ओभी०८एफ) समावेश गरिएको छ।
सफ्टवेयरतर्फ भने एन्ड्रोइड १६ द्वारा कभर गरिएको छ र त्यसमा माथि शाओमी हाइपर ओएस ३.० पनि रहेको छ। डिभाइस्मा १०० वाट वायर्ड र २२.५ वाट रिभर्स वायर्ड चार्जिङको साथ ८,५००एमएएच सिलिकन कार्बाइड ब्याट्री राखिएको छ। साथै फोनले बाइपास चार्जिङ पनि समर्थन गर्नेछ।
रेडमी के९० म्याक्स कालो, नीलो र चाँदी रङ्गहरूमा उपलब्ध हुनेछ। डिभाइसको १२/२५६जीबी ट्रिमको मूल्य ३,१९९ चिनियाँ युआन (४६९ अमेरिकी डलर) बाट सुरु हुन्छ भने टप–टियर १६जीबी र्याम र १टीबी स्टोरेज संस्करणको मूल्य ४,६९९ चिनियाँ युआन (६९० अमेरिकी डलर) कायम गरिएको छ।
चीनमा पहिले नै खुला बिक्री सुरु भइरहेको भए तापनि शाओमीले विश्वव्यापी लन्चको बारेमा कुनै योजनाहरूको खुलासा गरेको छैन।
प्रकाशित: १० बैशाख २०८३, बिहीबार
