काठमाडौं ।
ह्वावेको पुरा ९० सिरिज अब आधिकारिक भएको छ। पुरा ९० प्रो र पुरा ९० प्रो म्याक्सले ह्वावेको फ्ल्यागशिप लाइनअपको लागि नयाँ युगको सुरुवात गरेका छन्।
दुवै डिभाइसले आकर्षक ग्रेडियन्ट रङ योजनाहरू सहित अपडेट गरिएको लुक्स ल्याएका छन्।
पुरा ९० प्रो म्याक्स एफ/२.६ एपर्चरको साथ २०० मेगापिक्सेल रिजोल्युसनको विशाल १/१.२८–इन्च पेरिस्कोप टेलिफोटो सेन्सर रहेको छ। ह्वावेले यो ४× अप्टिकल जुमसहितको ९६ एमएम बराबरको मोड्युलले चुनौतीपूर्ण प्रकाश अवस्थाहरूमा पनि दिगो विवरण संरक्षण प्रदान गर्न सक्ने दावी गरेको छ। साथै यसले सीआईपीए ७.० ईमेज स्टेबलाइजेसन (७–स्टप स्टेबलाइजेसन) बाट पनि फाइदा पुर्याउने जीएसएमएरिनाले रिपोर्ट गरेको छ।
पुरा ९० प्रो म्याक्सको ५० मेगापिक्सेल आरवाईवाईबी मुख्य शूटरमा प्रयोग गरिएको ल्याटरल ओभरफ्लो इन्टिग्रेसन क्यापासिटर (एलओएफआइसी) सेन्सर भएको पहिलो ह्वावे फोन पनि हो।
यो सेन्सरले १०–स्टप भेरिएबल एफ/१.४–४.० एपर्चर र ओआईएसलाई समर्थन गर्दछ। पुरा ९० प्रो म्याक्सको पछाडिको तेस्रो मोड्युलको रुपमा एफ/२.२ एपर्चर भएको ४० मेगापिक्सेल अल्ट्रावाइड रहेको छ।
फोनमा एफ/२.१ एपर्चर र ४× अप्टिकल जुम भएको ५० मेगापिक्सेलको टेलिफोटो पनि रहेको छ। साथै तेस्रो मोड्युल १२.५ मेगापिक्सेलको अल्ट्रावाइड रहेको छ।
त्यसैगरी दुवै फोनहरूमा ह्वावेको इन–हाउस किरिन ९०१०एस चिपसेट छ र ह्वावेले २०० प्रतिशत ईमेज एनपीयू क्षमताहरू साथै फरक एआई आईएसपी लाभहरू प्रदान गर्न सक्ने दाबी गरेको छ।
आकारमा भिन्नता भए पनि दुवै पुरा ९० प्रो मोडेलहरूमा १००वाट वायर्ड र ८०वाट वायरलेस चार्जिङलाई समर्थन गर्ने ६,००० एमएएच ब्याट्री रहेका छन्।
दुवै पुरा ९० प्रो मोडेलहरू नेटिभ एजेन्टिक एआई एसिस्टेण्टका साथै एआई ईमेज इडिटिङ र अब्जेक्ट रिमुभल टुल्ससहित पूर्ण हुने नवीनतम हार्मोनीओएस ६.१ बिल्डको साथ ढुवानी गरिने बताइएको छ।
पुरा ९० प्रोमा ६.६–इन्च एलटीपीओ ओएलईडी रहेको छ भने प्रो म्याक्सले ६.९–इन्चसम्म विस्तार गरेको छ।
दुवै फोनमा १३ मेगापिक्सेलको फ्रन्ट–फेसिङ क्यामरा र साइड–माउन्टेड फिङ्गरप्रिन्ट स्क्यानरहरू छन्। 
पुरा ९० प्रो पिङ्क ग्वाभा, ओरेञ्ज सोडा, कोकोनट ह्वाइट र मलबेरी ब्ल्याक रङ्गरूमा आउने उल्लेख गरिएको छ। बेस १२/२५६जीबी ट्रिमको मूल्य ५,४९९ चिनियाँ युआन (८०६ अमेरिकी डलर) बाट सुरु हुन्छ।
पुरा ९० प्रो म्याक्स ओरेञ्ज ओसियन, सनसेट पर्पल, एमराल्ड लेक, डन गोल्ड र ओब्सिडियन ब्ल्याक रङ्गहरूमा आउने बताइएको छ। डिभाइसको १२/२५६जीबी ट्रिमको मूल्य ६,४९९ चिनियाँ युआन (९५३ अमेरिकी डलर) बाट सुरु हुन्छ।
चीनमा खुला बिक्री अप्रिल २९ को लागि निर्धारित छ। ह्वावेले अहिलेसम्म विश्वव्यापी रोलआउटको लागि योजनाहरूको विवरण दिएको छैन।
प्रकाशित: ८ बैशाख २०८३, मंगलवार
