काठमाडौं ।
गोप्रोले आफ्नो नयाँ मिसन १ सिरिजका क्यामराहरू अनावरण गरेको छ। मिसन १ सिरिजमा ठूलो १–इन्च प्रकारको सेन्सर, नयाँ जीपी३ प्रोसेसर र इन्टरचेञ्जेबल एमएफटी लेन्सहरूको लागि समर्थन जस्ता अपग्रेडहरू ल्याइएको छ। लाइनअपमा मिसन १, मिसन १ प्रो र मिसन १ प्रो आईएलएस समावेश छन्।
सबै तीन मोडेलहरू नयाँ ५० मेगापिक्सेलको १–इन्च प्रकारको सेन्सरले सुसज्जित छन्। यो नयाँ १–इन्च प्रकारको सेन्सरले अघिल्लो पुस्तामा प्रयोग गरिएको सेन्सरले भन्दा बढी प्रकाश क्याप्चर गर्ने बताइएको छ।
क्यामराहरू नयाँ ५एनएम जीपी३ प्रोसेसरद्वारा सञ्चालित छन्। नयाँ ५एनएम जीपी३ प्रोसेसरले ९६०एफपीएसमा १०८०पी, ६०एफपीएस र ३०एफपीएसमा ८के, फोरके १२०एफपीएस ओपन गेट र २४०एफपीएसमा फोरके जस्ता भिडियो रेकर्डिङ क्षमताहरू सक्षम पार्ने जीएसएमएरिनाले रिपोर्ट गरेको छ।
नयाँ चिपसेटले सुधारिएको भिडियो प्रोसेसिङ र लो–लाईट पर्फर्मेन्समा सुधारको लागि अपग्रेड गरिएको एआई एनपीयूलाई पनि एकीकृत गर्ने गोप्रोले बताएको छ।
क्यामराहरूमा रहेको नयाँ इन्ड्युरो २ ब्याट्रीले एक पटक चार्ज गर्दा १०८०पी३० मा ५ घण्टा भन्दा बढी र फोरके३० मा ३ घण्टा भन्दा बढी रेकर्डिङ प्रदान गर्ने दावी गरिएको छ।
मिसन १ र मिसन १ प्रोमा २० मिटरसम्म वाटरप्रूफिङ भएको अपग्रेड गरिएको केस रहेको छ। लाइनअपमा ठूलो रियर ओएलईडी डिस्प्ले, पुनः डिजाइन गरिएको बटनहरू र १५९–डिग्री फिल्ड अफ भ्यू भएको नयाँ लेन्स पनि समावेश छ।
चार–माइक्रोफोन सेटअप र ३२–बिट फ्लोट रेकर्डिङको लागि समर्थनको साथ अडियो पनि सुधार गरिएको छ। थप सुविधाहरूमा ब्लुटुथ ५.३, एचएलजी एचडीआर, जीपी–लग२ सहितको १०–बिट कलर, टाइमकोड सिङ्क, २४०एमबीपीएस सम्मको बिटरेट र ५०मेगापिक्सेल तस्बिरहरूको लागि समर्थन समावेश छ।
ग्रिप संस्करणमा पनि उपलब्ध हुने मिसन १ प्रोमा थप टिकाउपनको लागि मेटल केस, कोल्ड सु माउन्ट, म्यागनेटिक ल्याच माउन्ट र माउन्टिङ फिङ्गर्सहरू समावेश छन्।
त्यसैगरी, मिसन १ प्रो आईएलएसले माइक्रो फोर थड्र्स (एमएफटी) लेन्स र एडेप्टरहरूको समर्थन सहितको इन्टरचेञ्जेबल लेन्स प्रणाली प्रस्तुत गरेको छ।
नयाँ क्यामराहरूसँगै, गोप्रोले आफ्नो हिरो ब्ल्याक क्यामराहरूसँग मिल्दो नयाँ वायरलेस माइक्रोफोन प्रणालीका साथै स्मार्टफोन र डीएसएलआरहरूको पनि घोषणा गरेको छ।
गोप्रोले मिसन १ सिरिजका लागि नयाँ मिडिया मोड, एम–सिरिज एनडी फिल्टर्स, प्रोटेक्टिभ हाउसिङ, भोल्टा २ ब्याट्री ग्रिप, लाइट मोड २, इन्ड्युरो २ ब्याट्रीको लागि डुअल–ब्याट्री चार्जर र भर्टिकल माउन्ट एडाप्टर समावेश रहेको विभिन्न एक्सेसरिजहरू पनि प्रस्तुत गरेको छ।
मिसन १ सिरिजको मूल्य निर्धारणको बारेमा अझै घोषणा नगरिएको भए तापनि प्रि–अर्डरहरू मे २१ मा सुरु हुनेछन्। मिसन १ र मिसन १ प्रो मे २८ देखि विश्वव्यापी रूपमा बिक्री हुनेछन् भने मिसन १ प्रो आईएलएस र मिसन १ प्रोको क्रिएटर र अल्टिमेट क्रिएटर संस्करणहरू यो वर्षको तेस्रो त्रैमासिकमा आइपुग्ने तालिका छ।
प्रकाशित: ४ बैशाख २०८३, शुक्रबार
