काठमाडौं ।
ओपनएआईले आफ्नो एआई भिडियो जेनेरेटर सोरालाई छिट्टै च्याटजीपीटीमा ल्याउने योजना बनाएको द इन्फर्मेशनले मंगलबार जनाएको छ।
सोराले बहु-माध्यम (मल्टिमोडल) एआई प्रविधिमा ओपनएआईको विस्तारलाई अगाडि बढाएको छ र यसले मेटा तथा गुगलका टेक्स्ट-टु-भिडियो उपकरणहरूसँग प्रतिस्पर्धा गर्छ।
पाठमा आधारित एआई मोडेलहरू घर तथा कार्यस्थल दुवैमा व्यापक रूपमा अपनाइएका बेला भिडियो र तस्बिर निर्माण गर्ने विशेष एआई उपकरणहरू प्रविधिको सम्भावित ठूलो परिवर्तन ल्याउने अर्को चरणका रूपमा हेरिएका छन्।
ओपनएआईले सोरालाई सन् २०२५ सेप्टेम्बरमा स्वतन्त्र एपका रूपमा सार्वजनिक गरेको थियो। उक्त एपले प्रयोगकर्तालाई एआई प्रयोग गरेर भिडियो बनाउन र सामाजिक सञ्जालजस्तै फिडमा शेयर गर्न सघाउँछ जहाँ केही सामग्री कपीराइट भएको स्रोतबाट पनि सिर्जना गर्न सकिन्छ।
द इन्फर्मेशनका अनुसार कम्पनीले सोराको स्वतन्त्र एपलाई पनि सञ्चालनमै राख्नेछ। यो रिपोर्टलाई तत्काल स्वतन्त्र रूपमा पुष्टि गर्न नसकेको । नियमित कार्यालय समयबाहिर पठाइएको टिप्पणी अनुरोधमा ओपनएआईले पनि तुरुन्त प्रतिक्रिया नदिएको रोयटर्सले उल्लेख गरेको छ।
प्रकाशित: २८ फाल्गुन २०८२, बिहीबार
