काठमाडौं ।
एप्पलको पहिलो फोल्डेबल स्मार्टफोनको बारेमा धेरै वर्षदेखिको अनुमान पछि डिभाइस अब आगामी शरद ऋतुमा आईफोन १८ प्रो र आईफोन १८ प्रो म्याक्ससँगै आउने व्यापक रूपमा चर्चा गरिएको छ।
डिभाइसको नामको बारेमा भने अझै पनि अनुमान मात्र गरिएको र आईफोन फोल्ड भन्ने गरिको छ। तर अब चीनबाट आएको एउटा नयाँ चर्चाले डिभाइसलाई वास्तवमा आईफोन अल्ट्रा भनिने दावी गरेको छ।
त्यसैगरी यो अल्ट्रा–ब्रान्डेड प्रोडक्टहरूको ट्रायो (तीनओटा हिस्सा)मा एप्पलले यो वर्षको अन्त्यमा आईफोन अल्ट्रा, एयरपड्स अल्ट्रा र म्याकबुक अल्ट्रा अनावरण गर्न गइरहेको जीएसएमएरिनाले रिपोर्ट गरेको छ।
आईफोन अल्ट्राको मूल्य १०,००० चिनियाँ युआन (हालको विनिमय दरमा लगभग १,४४६ अमेरिकी डलर) भन्दा बढीबाट सुरु हुनेछ र डिभाइसको शीर्ष स्तरको संस्करणको मूल्य २०,००० चिनियाँ युआन (वा लगभग २,८९३ अमेरिकी डलर) भन्दा बढी हुनेछ।
यदि यो हल्ला वास्तविकतामा परिणत भएको अवस्थामा भने डिभाइसको इन्ट्रि मोडेल अपेक्षा गरिएको भन्दा सस्तो हुनेछ। साथै यो लाइनको सबैभन्दा सस्तो र सबैभन्दा महँगो मोडेल बीचको भिन्नता किन यति ठूलो भएको हो भनेर थाहा नभएको उल्लेख गरिएको छ।
एयरपड्स अल्ट्रा हालै क्यामराको साथ आउने हल्ला गरिएको एयरपड्स प्रो भएको बताइएको छ भने म्याकबुक अल्ट्रा भने पहिलो पटक ओएलईडी टचस्क्रिन प्रयोग गर्ने हल्ला गरिएको म्याकबुक भएको बताइएको छ। यी सबै अल्ट्रा नामले संकेत गरे जस्तै एप्पलको सम्बन्धित स्टेबलहरूमा (सबैभन्दा महँगो फोन, सबैभन्दा महँगो इयरबडहरू र सबैभन्दा महँगो ल्यापटप) सबैभन्दा महँगो विकल्प हुनेछ।
प्रकाशित: २८ फाल्गुन २०८२, बिहीबार
