काठमाडौं ।
डोयच टेलिकमले आफूले पहिलो पटक स्याटेलाइट आईओटीमा बहु–कक्ष (मल्टि–अर्बिट) रोमिङ सेवा सुरु गरेको दावी गरेको छ।
अब डोयच टेलिकमका आईओटी ग्राहकहरूले जीईओ (जियोस्टेशनरी, उच्च कक्षा) र एलईओ (लो अर्थ अर्बिट) दुवै स्याटेलाइटमार्फत कनेक्टिभिटी पाउनेछन्। जर्मन अपरेटरका अनुसार यस्तो सुविधा उपलब्ध गराउनेमा आफू पहिलो हो।
कम्पनीले व्यावसायिक एनबी-आईओटी उपकरणमार्फत यो नयाँ क्षमता प्रदर्शन गरेको जनाएको छ, जसले आवश्यकताअनुसार जीईओ र एलईओ स्याटेलाइटका साथै स्थलीय सञ्जालबीच स्विच गर्न सक्छ।
जीईओ सेवा स्काइलोले प्रदान गरिरहेको छ भने एलईओतर्फ स्याटेलियोट र ओक्यू टेक्नोलोजी संलग्न छन्। यस वर्षको अन्त्यसम्म इरिडियम पनि एलईओ सेवामा थपिने बताइएको छ।
“यसले प्राविधिक र व्यावसायिक दुवै रूपमा बहु–स्याटेलाइट कक्षामार्फत आईओटी कनेक्टिभिटी प्रदान गर्ने अग्रणी विश्वव्यापी सञ्जाल अपरेटरका रूपमा डोयच टेलिकमलाई स्थापित गरेको छ,” डीटीका स्याटेलाइट आईओटी प्रमुख जेन्स ओलेजाकले बताएका छन्।
यो प्रविधिको उद्देश्य आईओटी उपकरणले कहिल्यै पूर्ण रूपमा कनेक्टिभिटी नगुमाउने सुनिश्चित गर्नु हो। उच्च ब्यान्डविड्थ भएका स्थलीय सञ्जाल उपलब्ध नभएको अवस्थामा स्याटेलाइटले जस्तै कभरेजको सुरक्षा जाल प्रदान गर्छ, त्यसैगरी यहाँ जीईओले एलईओका लागि त्यही भूमिका खेल्ने बताइएको छ।
कम्पनीले वास्तविक प्रयोगका उदाहरण पनि सार्वजनिक गरेको छ। स्पेनको डाटाकोरमले यसलाई टाढास्थित औद्योगिक सेन्सरका लागि प्रयोग गरिरहेको छ। स्लोभेनियाको ईएमएले जहाज ट्र्याकिङ समाधान प्रदान गरिरहेको छ। फ्रान्सको माउन्टेनले अझै विश्वसनीय रूपमा जडान नभएका दुर्गम क्षेत्रमा स्मार्ट इमेज प्रोसेसिङ सेवा उपलब्ध गराइरहेको छ। यी सबै सेवामा नर्डिक सेमिकण्डक्टरको एनआरएफ९१५१ मोडेम प्रयोग गरिएको छ।
प्रकाशित: ४ फाल्गुन २०८२, सोमबार
