यी हुन् असोज महिनामा टप टेन सूचीमा पर्न सफल इन्टरनेट सेवा प्रदायकहरु: कसका ग्राहक कति?

काठमाडौं ।

नेपालमा पछिल्लो समय इन्टरनेटको प्रयोग बढ्दै गइरहेको छ। व्यक्तिगत मनोरञ्जन वा कार्यालयको काम र अध्ययन अध्यापनमा समेत अपरिहार्य भएकाले इन्टरनेटको प्रयोग बढेको हो।

प्रयोगकर्ताको सङ्ख्या बढेसँगै मोबाइल ब्रोडब्याण्ड लगायत तार (फाइबर)बाट इन्टरनेट जडान गर्नेको संख्या पनि बढ्दो छ।

नेपाल दूरसञ्चार प्राधिकरणले सार्वजनिक गरेको चालु आर्थिक वर्ष २०८२/८३ को तेस्रो महिना असोज मसान्तसम्मको एमआईएस प्रतिवेदन अनुसार इन्टरनेट सेवा प्रदायक (आईएसपी) मार्फत इन्टरनेट जडान गर्नेको संख्या २९ लाख ५९ हजार १६६ पुगेको छ। यो आँकडा अघिल्लो महिना असोजसम्म २९ लाख २९ हजार २७० थियो।

यस हिसाबले हेर्दा ब्रोडब्याण्ड इन्टरनेट प्रयोगकर्ताको सङ्ख्या २९ हजार ८९६ ले वृद्धि भएको छ।

नेपालमा आधिकारिक रुपमा सञ्चालनमा रहेकामध्ये ग्राहक संख्याको आधारमा नेपालको सबैभन्दा ठूलो इन्टरनेट सेवा प्रदायकको रुपमा वर्ल्डलिंक कम्युनिकेशन प्रालि रहेको छ। चालु आर्थिक वर्षको तेस्रो महिना अर्थात् असोजमा पनि कम्पनीको यो साख यथावत नै छ।

विवरण अनुसार २०८२ असोज मसान्तसम्मका  टप १० आईएसपी यसप्रकार छन्:

१. वर्ल्डलिंक कम्युनिकेशन्स लिमिटेड

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म वर्ल्डलिंक कम्युनिकेशन्सको इन्टरनेट जडान संख्या १० लाख ३६ हजार ७० पुगेको छ। अघिल्लो महिना कम्पनीको समग्र ग्राहक सङ्ख्या १० लाख ३१ हजार ३६१ थियो।

२. डिश मिडिया नेटवर्क

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म डिश मिडिया नेटवर्कको ३ लाख ७७ हजार ४७९ पुगेको छ। अघिल्लो महिना कम्पनीको इन्टरनेट जडान संख्या ३ लाख ६७ हजार ३५२ रहेको थियो।

३.  भायानेट कम्युनिकेशन प्रालि

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म भायानेट कम्युनिकेशन्सको इन्टरनेट जडान संख्या ३ लाख २५ हजार ६२९ पुगेको छ।  अघिल्लो महिना पनि कम्पनीको समग्र ग्राहक सङ्ख्या ३ लाख २५ हजार ६२९ नै थियो।

४. क्लासिक टेक प्रालि

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म क्लासिक टेकको इन्टरनेट जडान संख्या २ लाख ५९ हजार ८०० पुगेको छ।  अघिल्लो महिना कम्पनीको समग्र ग्राहक सङ्ख्या १ लाख ९४ हजार ४६० थियो।

५. सुबिसु केबलनेट प्रालि

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म सुबिसु केबलनेटको इन्टरनेट जडान संख्या ३ लाख २ हजार ९३ मा झरेक छ। अघिल्लो महिना कम्पनीको ग्राहक सङ्ख्या २ लाख ५४ हजार ६३ थियो।

६. वेबसर्फर नेपाल कम्युनिकेशन सिस्टम 

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म वेबसर्फर नेपाल कम्युनिकेशन सिस्टमको इन्टरनेट जडान संख्या १ लाख ७६ हजार ४९३ पुगको छ। अघिल्लो महिना कम्पनीको समग्र ग्राहक सङ्ख्या १ लाख ७६ हजार ४९३ नै रहेको थियो।

७. टेकमाइण्ड्स नेटवर्क प्रालि

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म टेकमाइण्ड्स नेटवर्क प्रालिको इन्टरनेट जडान संख्या १ लाख १५ हजार ५०२ पुगेको छ।  अघिल्लो महिना कम्पनीको समग्र ग्राहक सङ्ख्या १ लाख १३ हजार ३६८ थियो।

८. वाइफाइ नेपाल प्रालि

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म वाइफाइ नेपाल प्रालिको इन्टरनेट जडान संख्या ८६ हजार ३४ मा झरेको छ।  अघिल्लो महिना कम्पनीको समग्र ग्राहक सङ्ख्या ८७ हजार ८३० थियो।

९. सिजी कम्युनिकेसन प्रालि

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म सिजी कम्युनिकेसन प्रालिको इन्टरनेट जडान संख्या ८५ हजार २७५ पुगेको छ। अघिल्लो महिना कम्पनीको समग्र ग्राहक सङ्ख्या ८४ हजार २१४ थियो।

१०. ब्रोडलिंक नेटवर्क एन्ड कम्युनिकेशन प्रालि

प्राधिकरणले अद्यावधिक गरेको तथ्याङ्क अनुसार २०८२ असोज मसान्तसम्म ब्रोडलिंक नेटवर्क एन्ड कम्युनिकेशन प्रालिको इन्टरनेट जडान संख्या ५३ हजार ७७२ पुगेको छ। अघिल्लो महिना कम्पनीको समग्र ग्राहक सङ्ख्या ५३ हजार ७०० थियो।