जर्मनीमा २०१९ मा आयोजित फाइभजी फ्रिक्वेन्सी लिलामी दोहोर्याउन अदालतको आदेश

काठमाडौं ।

जर्मन संघीय नेटवर्क एजेन्सीलाई २०१९ मा आयोजित फाइभजी लिलामी दोहोर्याउन आदेश दिइएको छ।

जर्मन संघीय नेटवर्क एजेन्सी (बीनेत्जए) लाई सन् २०१९ मा गरिएको ५जी फ्रिक्वेन्सीहरूको बाँडफाँडको लागि लिलामी दोहोर्याउन आदेश दिइएको हो।

संघीय प्रशासनिक अदालतले गत वर्ष कोलोन प्रशासनिक अदालतको लिलामी गैरकानूनी भएको फैसला विरुद्ध नियामकको अपील अस्वीकार गर्दै सो आदेश दिएको हो।

बीनेत्जए (BNetzA) का अध्यक्ष क्लाउस मुलरले सकेसम्म चाँडो कम्पनीहरूको लागि कानुनी स्पष्टता र योजना सुरक्षा सुनिश्चित गर्न, एजेन्सीले ५जी फ्रिक्वेन्सी बाँडफाँड प्रक्रिया तुरुन्तै पुन: सुरु गर्ने बताएका छन् ।