आउडीले चिनियाँ बजारमा दुई विद्युतीय मोडेलहरू प्रस्तुत गर्यो

काठमाडौं ।

आउडीले आधिकारिक रूपमा चीनयाँ बजारमा विद्युतीय एसयूभी र ए६एल ई–ट्रोन प्रस्तुत गरेको छ।

आउडीले विशेष गरी चिनियाँ बजारको लागि डिजाइन गरिएको विद्युतीय एसयूभी र ए६एल ई ट्रोन सेडानगरी दुई विद्युतीय मोडेलहरू प्रस्तुत गर्दै चीनको लागि एक प्रमुख रणनीति अनावरण गरेको छ।

दुबै मोडेलहरू स्थानीय साझेदार एफएडब्ल्यू सँगको सहकार्यमा चाङचुनको नयाँ कारखानामा उत्पादन गरिने आउडीले बताएको छ।

यो आक्रामकताले चीनमा विद्युतीय गतिशीलताप्रति आउडीको प्रतिबद्धतालाई सुदृढ पार्ने र ब्रान्डको “चीनमा, चीनको लागि” रणनीतिमा एक प्रमुख कदमलाई संंकेत गरेको उल्लेख गरिएको छ।

प्रिमियम प्लेटफर्म इलेक्ट्रिक (पीपीई) आर्किटेक्चरमा आधारित नयाँ मोडेलहरूले उच्च प्रदर्शन, दक्षता र आधुनिक इन्फोटेनमेन्ट प्रणालीहरू प्रदान गर्ने बताइएको छ।

कुशल परम्परागत इन्जिन मोडेलहरूसँग पूर्ण रूपमा विद्युतीय कारहरू संयोजन गर्ने पोर्टफोलियोको साथ यो चीनको लागि इतिहासको “सबैभन्दा ठूलो मोडेल पहल” हो भनि अडीले बताएको टेलीग्राफले रिपोर्ट गरेको छ।