टीपी–लिङ्कले ७डीआर७२७०/७२९० वाई–फाई ७ राउटरहरू लन्च गर्यो

काठमाडौं ।

टीपी–लिङ्कले चिनियाँ बजारमा आधिकारिक रूपमा टीएल–७डीआर७२७० र टीएल–७डीआर७२९० गरी दुई नयाँ वाई–फाई ७ बीई७२०० राउटरहरू लन्च गरेको छ।

दुवै मोडेलहरूले नवीनतम वाई–फाई ७ मापदण्डहरूलाई समर्थन गर्छन् र ७.१४ जीबीपीएस सम्मको सैद्धान्तिक गति प्रदान गर्दछन्। टीएल–७डीआर७२७० को मूल्य ३९९ युआन (५६ अमेरिकी डलर) कायम गरिएको छ भने हाई–इण्ड टीएल–७डीआर७२९० को खुद्रा मूल्य ५९९ युआन (८४ अमेरिकी डलर) पर्ने बताइएको छ।

टीपी–लिङ्क टीएल–७डीआर७२७० र टीएल–७डीआर७२९० को स्पेसिफिकेसनहरूः

टीएल–७डीआर७२७० ले हाई–स्पिड होम (उच्च–गतिको घर) र सानो कार्यालय वातावरणलाई लक्षित गर्दछ। यो दुई २.५जी इथरनेट पोर्टहरू र चार गिगाबिट एलएएन पोर्टहरूसँग सुसज्जित रहेको छ।

राउटरले उन्नत वाई–फाई ७ प्रविधिहरूलाई समर्थन गर्दछ जसमा फोरके क्यूएएम, एमआरयू (मल्टी–रिसोर्स युनिट), एमएलओ (मल्टी–लिङ्क अपरेशन) र प्रिमबल पङ्कचर समावेश छन्।

टीपी–लिङ्कले दुबै मोडेलहरूमा एआई–आधारित पिक्सेल एन्टेना डिजाइन समावेश गरेको छ। यो प्रणालीले राम्रो सिग्नल स्थ्रेन्थ (शक्ति) र वाल पेनिट्रेसनको लागि सबैभन्दा कुशल लेआउट चयन गर्दै कम्पनीको एल्गोरिथ्म प्लेटफर्म प्रयोग गरेर अरबौं एन्टेना कन्फिगरेसनहरू अनुकरण गर्दछ।

७डीआर७२७० मा पाँच बाह्य (एक्सटर्नल) र पाँच आन्तरिक (इन्टर्नल) एफईएम (फ्रन्ट–इण्ड मोड्युलहरू) समावेश छन् जसले १५० वर्ग मिटरसम्म क्षेत्रफल ओगट्ने बताइएको छ।

हाईयर–इण्ड टीएल–७डीआर७२९० ठूला घरहरू, गेमिङ सेटअपहरू र व्यावसायिक प्रयोगहरूको लागि डिजाइन गरिएको बताइएको छ। यसमा चार २.५जी पोर्टहरू र चार गिगाबिट पोर्टहरू समावेश छन् भने लिङ्क एग्रिगेसन, डुअल डब्ल्यूएएन र आईपीटीभी मोड जस्ता सुविधाहरू समर्थन गर्दछ।

राउटरले दस एक्सटर्नल (बाह्य) एफईएमहरू प्रयोग गर्दछ र २०० वर्ग मिटरसम्मको डिभाइस कनेक्सन्स (जडानहरू) लाई समर्थन गर्दछ। टीपी–लिङ्कले यसलाई १जीबी डीडीआर४ र्यामले सुसज्जित गरेको छ जसले प्रति फ्रिक्वेन्सी ब्याण्ड ५१२ डिभाइसहरूको लागि समर्थन सक्षम गर्दछ।

दुबै राउटरहरूले टीपी–लिङ्कको इजीमेस प्रणालीलाई समर्थन गर्दछन् जसले प्रयोगकर्ताहरूलाई सिमलेस मेस पेयरिङ मार्फत नेटवर्क कभरेज विस्तार गर्न अनुमति दिन्छ। डिभाइसहरूले स्मार्ट लक, क्यामरा र रोबोटिक भ्याकुम जस्ता सामानहरूको लागि वान–टच आईओटी पेयरिङ पनि प्रदान गर्दछ।

दुबै मोडेलहरूले ट्राफिकलाई प्राथमिकता दिएर विलम्बता कम गर्ने एक समर्पित पोर्टको साथ थन्डर गेमिङ, युबाङब्याङ, क्युयु र नेटइज यूयू जस्ता चार गेमिङ एक्सेलेरेटरहरू इन्टिग्रेट गर्दछन्। राउटरहरूले बालबालिकाको स्क्रिन टाइम, एप एक्सेस (पहुँच) र इन्टरनेट प्रयोग व्यवस्थापन गर्न अभिभावकीय नियन्त्रणहरूलाई पनि समर्थन गर्ने उल्लेख गरिएको छ।

टीपी–लिङ्कले व्यावसायिक र दुर्गम क्षेत्रहरूलाई पनि लक्षित गरेको बताइएको छ। राउटरहरूले भीपीएन प्रोटोकलहरू (आईपीसेक, पीपीटीपी, एल२टीपी), एसडी–डब्ल्यूएएन नेटवर्किङ र पीपीपीओई सर्भर सुविधाहरूलाई समर्थन गर्ने उल्लेख गरिएको छ।

यस बाहेक, शाओमीले हालै बीई१०००० प्रो वाई–फाई ७ राउटर प्रस्तुत गरेको छ जसमा एआई डुअल १०जी पोर्टहरू र हाइपरओएस रहेको छ भने जेडटीईले एआई एन्टेना, मेष नेटवर्किङ र गेमिङ बूस्ट सुविधाहरू सहितको बीई३६०० प्रो वाई–फाई ७ राउटर प्रस्तुत गरेको गीज्मोचाइनाले रिपोर्ट गरेको छ।