जूमले सार्वजनिक गर्यो नयाँ एआई कम्प्यानियन र अवतारसहितका सुविधा

काठमाडौं ।

जुमले बुधबार आयोजित ‘जुमटोपिया’ सम्मेलनमा नयाँ उत्पादनहरू सार्वजनिक गरेको छ। यसमा सबैभन्दा प्रमुख रूपमा अद्यावधिक गरिएको एआई कम्प्यानियन सामेल छ, जसले गुगल मिट र माइक्रोसफ्ट टिम्स जस्ता अन्य मिटिङ प्लेटफर्ममा पनि काम गर्न सक्नेछ।

नयाँ एआई कम्प्यानियनले प्रयोगकर्ताले आफैं लेखेका नोटलाई विस्तार गरी व्यवस्थित बनाउन सक्छ, प्रत्यक्ष उपस्थित मिटिङमा समेत नोट लिन सक्छ, साथै समय मिलाउने कार्यतालिका सजिलो बनाइदिने सुविधा पनि उपलब्ध छ। यसले कुन मिटिङ छोड्न सकिन्छ भनेर सुझाव दिने “फ्री अप माई टाइम” सुविधा पनि ल्याएको छ।

यसका अतिरिक्त, प्रयोगकर्ताले गुगल र माइक्रोसफ्ट प्लेटफर्महरूमा जानकारी खोज्न सक्ने क्रस-प्लाटफर्म सर्च सुविधा, मिटिङका लागि आवश्यक कार्य र एजेन्डा सुझाउने प्रणाली, र समूहका लागि एआई सहायक पनि उपलब्ध हुनेछ।

जुमले फोटो-जस्तो देखिने अवतार पनि ल्याउँदैछ, जसले प्रयोगकर्ताको हाउभाउ नक्कल गर्ने टेकक्रञ्चले उल्लेख गरेको छ।

कम्पनीका अनुसार, यो सुविधा प्रयोगकर्ताले क्यामेरामा देखिन तयार नभएको अवस्थामा उपयोगी हुने भए पनि गलत प्रयोगको सम्भावनाले चिन्ता बढाउन सक्छ। यो सुविधा उपभोक्ताका लागि यो वर्षको अन्त्यसम्म उपलब्ध हुने अपेक्षा गरिएको छ।

यी नयाँ अपडेटहरू जुमले रिड एआई, ओटर, फायरफ्लाइज र ग्रानोलाजस्ता प्रतिस्पर्धी स्टार्टअपहरूसँग प्रतिस्पर्धा गर्न ल्याएको हो।