एप्पलको दोस्रो त्रैमासिकमा आईफोन र सेवाहरूको कीर्तिमानी आम्दानी

काठमाडौं ।

एप्पलले दोस्रो त्रैमासिक (अप्रिल, मे र जुन महिना) को अवधिमा ९४ अर्ब डलर आम्दानी गरेको रिपोर्ट गरेको छ। यो गत वर्षको तुलनामा १० प्रतिशतले वृद्धि भएको दोस्रो त्रैमासिकको वित्तीय प्रतिवेदनले उल्लेख गरेको छ। साथै आईफोन, म्याक र सर्भिसेस (सेवाहरू) ले दोहोरो अंकको वृद्धिको लागि योगदान पुर्याएको उल्लेख गरिएको छ।

एप्पलले चीनमा अपेक्षा गरे भन्दा राम्रो आईफोन ढुवानी र म्याक ढुवानीहरूमा दोहोरो अंकको वृद्धिसहित आईफोन आम्दानीको रेकर्ड त्रैमासिक देखेको उल्लेख गरिएको छ। आईफोनको खुद बिक्री ४४.५८ अमेरिकी डलर अर्ब पुगेको छ जुन गत वर्षको तेस्रो त्रैमासिकमा ३९.२९ अमेरिकी डलर अर्ब रहेको थियो। एप्पलले यस त्रैमासिकमा आफ्नो ३ अर्ब आईफोन ढुवानी गरेको पनि पुष्टि गरेको जीएसएमएरिनाले उल्लेख गरेको छ।

म्याकको बिक्री ८ अर्ब अमेरिकी डलर भन्दा बढी भएको रिपोर्ट गरिएको छ। क्युपर्टिनोले एप स्टोर र सबै सदस्यता–आधारित सेवाहरू समावेश गर्ने सर्भिसेस (सेवा) क्षेत्रबाट २७.४२ अमेरिकी डलर अर्ब डलर आम्दानी गरेको छ जुन अहिलेसम्मकै उच्च भएको जनाइएको छ। आईप्याड र वेयरेबलहरूको बिक्री भने क्रमशः ६.५ प्रतिशत र ८.५ प्रतिशतले घटेको छ।

आगामी दिनहरुमा, एप्पलले ट्रिफ्स (शुल्क) सँग सम्बन्धित केही गम्भीर अवरोधहरूको सामना गर्न सक्ने उल्लेख गरिएको छ। टिम कुकले लेभी (कुनै चीजमा लगाइने कर, जरिवाना, वा अन्य शुल्क) का कारण एप्पललाई विगत तीन महिनामा ८०० मिलियन डलर नोक्सान भएको र सेप्टेम्बर त्रैमासिकमा यो १.१ अर्ब डलरसम्म पुग्न सक्छ भनि खुलासा गरेका छन्।