लेगो र निन्टेन्डोले सन् १९८९ को गेम बोई पुनः उपलब्ध गराए

काठमाडौं ।

सन् १९८९ को प्रतिष्ठित निन्टेन्डो गेम बोई कन्सोलको नयाँ प्रतिकृति प्रस्तुत गरिएको छ।

लेगोले रेट्रो प्रविधिका सङ्कलकहरू र प्रशंसकहरूलाई समर्पित यस पौराणिक कन्सोलको एक विश्वासयोग्य प्रतिकृति अनावरण गरेको छ। नयाँ सेटमा कुल ४२१ युनिटहरू छन् र यसको आकार मूल कन्सोलको जस्तै भएको बताइएको छ।

लेगो आइकन्स ७२०४६ भनिने सेटमा प्रतिष्ठित डिभाइसको सबै विवरणहरू समावेश गरिएका छन्। कार्यात्मक बटनहरू, भोल्युम र कन्ट्रास्ट डायलहरू, परिचित भिडियो गेम स्लट र रेट्रो स्क्रिनहरू सहित तीन लेन्टिक्युलर एड–अन्स रहेका छन् भने ती मध्ये एक लेजेण्डरी सुपर मारियो ल्याण्ड खेलको फिचर गरिएको छ।

खरीदकर्ताहरूले दुई ओटा “गेम पाक” कार्डहरू पनि प्राप्त गर्नेछन् जुन कन्सोलमा घुसाउन वा स्ट्यान्डमा प्रदर्शन गर्न सकिने छ।

त्यसैगरी सेटको मूल्य ५९.९९ यूरो कायम गरिएको छ र पूर्व–अर्डरहरू खुला भइसकेका छन्। यो सेट सन् २०२५ को अक्टोबर १ तारिखदेखि पसलहरूमा उपलब्ध हुने अपेक्षा गरिएको छ।

लेगोले कुनै पनि स्टिकर प्रयोग नगरि लोगो, टेक्स्ट र सिरियल नम्बरहरू सहित सबै विवरणहरू सिधै सेटहरूमा छापेको जनाइएको छ। साथै सेटको पछाडि मूल गेम बोई रिलीज मिति (अप्रिल २१, १९८९) पनि देख्न सकिने छ।

यो सेट वयस्कहरूको लागि लेगोको प्रिमियम लाइनको अंश भएको बताइएको छ र धेरै भिडियो गेम प्रशंसकहरूका साथै सङ्कलकहरूले यसलाई ८० र ९० को दशकका पुरानो प्रशंसकहरूका लागि “हुनैपर्ने” उत्पादन मानिसकेका छन् भनि टेलिग्राफले रिपोर्ट गरेको छ।