एप्पलको आईफोन १७ परिवार घोषणा गरिने सम्भावित मितिको खुलासा

काठमाडौं ।

एप्पलले नयाँ आईफोनहरू सेप्टेम्बर महिनामा अनावरण गर्ने गरेको छ। त्यसैले कम्पनीले यस वर्ष पनि त्यस्तै गर्ने अपेक्षा गर्नु उचित हुने उल्लेख गरिएको छ।

एप्पलको बारेमा कुनै न कुनै प्रकारको भित्री कुराहरुको जानकारी राख्ने गरेका ब्लूमबर्गका मार्क गर्मनले सेप्टेम्बर ८ तारिखदेखि सुरु हुने हप्तामा आईफोन १७ परिवार लन्च गरिने बताएका छन्।

एप्पलको लन्च कार्यक्रम सोमबार सेप्टेम्बर ८ तारिखमा हुन सक्ने बढि सम्भावना रहेको बताइएको छ। त्यसैगरी डिभाइसहरू सेप्टेम्बर ९ वा १० तारिखमा पनि आउन सक्ने बताइएको छ। कम्पनीले कहिल्यै पनि शुक्रबार कार्यक्रमहरू आयोजना नगर्ने भएकोले र स्पष्ट ऐतिहासिक कारणहरूले गर्दा सेप्टेम्बर ११ तारिखमा डिभाइसहरु लन्च हुनबाट जोगिएको उल्लेख गरिएको छ।

एप्पलले यस वर्ष आईफोन १७, आईफोन १७ एयर, आईफोन १७ प्रो र आईफोन १७ प्रो म्याक्स ल्याउने छ। साथै एयरले प्लस मोडेललाई प्रतिस्थापन गर्नेछ र जुन अहिलेसम्म सबैभन्दा खराब बिक्री भएको बताइएको छ। यदि एयरले  कुनै पनि बिक्री रेकर्ड नतोडे पनि बिक्रीमा सुधार गर्न सकेको खण्डमा यो कम्पनीको लागि सफलता हुने जीएसएमएरिनाले रिपोर्ट गरेको छ।