बेलायतको एमएण्डएसमा भएको साइबर हमलामा ‘ड्रागनफोर्स’ समूहको हात रहेको जानकारी

काठमाडौं ।

बेलायती खुद्रा बिक्रेता मार्क्स एण्ड स्पेन्सर (एमएण्डएस) का अध्यक्ष आर्ची नोर्मनले मंगलबार केही समयअघि भएको साइबर आक्रमणका पछाडि “ड्रागनफोर्स” नामक समूहको हात रहेको विश्वास व्यक्त गरेका छन्।

उनले सांसदहरूलाई अप्रिल र मे महिनामा अनलाइन किनमेल सेवा ६ हप्तासम्म बन्द गर्न बाध्य बनाएको साइबर आक्रमणबारे जानकारी दिएका हुन्।

अप्रिलदेखि मेसम्मको अवधिमा भएको यो साइबर आक्रमणका कारण एमएण्डएसले अनलाइन किनमेल सेवा ६ हप्तासम्म बन्द गर्नु परेको थियो। कम्पनीले आक्रमणपछि सुरक्षा प्रणाली सुदृढ गरेको र भविष्यमा यस्ता जोखिम न्यून गर्न उपायहरू अवलम्बन गरिरहेको जनाएको छ। घटना सरकार र साइबर सुरक्षा निकायको निगरानीमा रहेको रोयटर्सले उल्लेख गरेको छ ।