अमेजनले आफ्ना गोदामहरूमा दस लाख रोबोटहरू प्रयोग गर्दै

काठमाडौं ।

अमेजनले जापानको गोदाममा दस लाख रोबोट स्थापना गर्दै आफ्नो लजिस्टिक सञ्चालनलाई स्वचालित गर्ने सन्दर्भमा महत्त्वपूर्ण कोसेढुङ्गा हासिल गरेको छ।

यो विकास रोबोट र मानव कामदारहरूको संख्या सन्तुलन गर्ने दिशामा एक प्रमुख कदम भएको बताइएको छ भने रोबोटहरूले अब अमेजनको विश्वव्यापी डेलिभरीको लगभग ७५ प्रतिशत समर्थन गर्नेछ।

गोदामहरू भित्र रोबोटहरूको समन्वय सुधार गर्न, अमेजनले डीपफ्लीट भनिने नयाँ कृत्रिम बुद्धिमत्ता मोडेल प्रस्तुत गरेको छ। यो मोडेलले रोबोट मार्गहरू अप्टिमाइज गर्न अमेजन सेजमेकर प्लेटफर्म प्रयोग गर्दछ र यसले सञ्चालनको गति १० प्रतिशतले बढाउनेछ।

स्वचालनमा वृद्धि भए पनि, अमेजनले रोबोटहरूलाई कार्य सुरक्षा र दक्षता सुधार गर्दै रिपिटेटिभ (दोहोरिने) र भौतिक कार्यहरू गर्नको लागि कर्मचारीहरूसँग सहकार्य गरेर काम गर्न डिजाइन गरिएको हो भन्ने कुरामा जोड दिएको छ।

‘कृत्रिम बुद्धिमत्ता (एआई) को प्रयोगले कार्यबलको पुनर्संरचना गर्नेछ भने केही पदहरू प्रविधिद्वारा प्रतिस्थापन गर्न सकिनेछ र प्राविधिक क्षेत्रहरूमा नयाँ अवसरहरू सिर्जना गरिनेछ’ अमेजनका सीईओ एन्डी ज्यासीले बताए।

यो विकासले अमेजनले आफ्नो व्यापार मोडेललाई मौलिक रूपमा रूपान्तरण गर्दैछ, सञ्चालन सुधार गर्न र उद्योगको नयाँ आवश्यकताहरू अनुरूप कार्यबललाई अनुकूलन गर्न प्रविधिलाई एकीकृत गर्दैछ भन्ने पक्षलाई देखाएको टेलिग्राफले रिपोर्ट गरेको छ।