Technology Khabar २० जेष्ठ २०८२, मंगलवार
काठमाडौं ।
लिंक्डइनले फेरि एक पटक ठूलो मात्रामा कर्मचारीहरुलाई निकालेको छ। कम्पनीले अमेरिकी राज्य क्यालिफोर्नियाका कुल २८१ कर्मचारीहरूलाई बाहिरको बाटो देखाएको छ।
कम्पनीको इन्जिनियरिङ, मेसिन लर्निङ, पूर्वाधार, डेभअप्स र डिजाइन जस्ता प्राविधिक टोलीहरूमा यो कामबाट निकालिएको छ। एसएफ गेटको रिपोर्ट अनुसार, यो कदम माइक्रोसफ्टको ठूलो संरचना पुनर्गठनको एक हिस्सा हो, जस अन्तर्गत विश्वभरबाट लगभग ६,००० कर्मचारीहरूलाई निकालिएको छ।
लिंक्डइनको टोलीबाट हटाइएका यी कर्मचारीहरू क्यालिफोर्नियाका विभिन्न कार्यालयहरूमा कार्यरत थिए। एसएफगेटको रिपोर्टले देखाउँछ कि यी मध्ये १५९ जनालाई माउन्टेन भ्यू कार्यालयबाट, ६० जनालाई सान फ्रान्सिस्कोबाट, २३ जनालाई सन्नीभेलबाट र ११ जनालाई कार्पिन्टेरियाबाट निकालिएको छ। यसबाहेक, २८ जना यस्ता कर्मचारीहरू पनि छन् जो टाढाको भूमिका अर्थात रिमोट वर्कमा काम गरिरहेका थिए। यसअघि, कम्पनीले सन् २०२३ मा पनि ७१६ जनालाई निकालेको बताइएको छ।
रिपोर्टमा थप भनिएको छ कि लिंक्डइनको मूल कम्पनी माइक्रोसफ्टले पहिले नै स्वचालन र एआईका कारण टोली संरचनामा ठूला परिवर्तनहरू हुने संकेत गरिसकेको थियो।
टेकक्रन्चका अनुसार, सीईओ सत्य नाडेला आफैंले, अब कम्पनीमा लेखिने लगभग ३० प्रतिशत कोड एआई द्वारा उत्पन्न भइरहेको गत अप्रिलमा भनेका थिए, यसको अर्थ, धेरै ठाउँमा मानव विकासकर्ताहरूको आवश्यकता घट्दै गएको छ।
यद्यपि, लिंक्डइनले यो पछिल्लो छाँटकाँट सम्बन्धी कुनै आधिकारिक बयान जारी गरेको छैन, न त विच्छेदन प्याकेज वा भविष्यको छाँटकाँट योजनाको बारेमा केहि स्पष्ट पारिएको छ। बर्खास्त गरिएका कर्मचारीहरू अब नयाँ जागिरको खोजीमा लिंक्डइनमा आफैं पोस्ट गरिरहेका छन् र सक्रिय रूपमा नेटवर्क विस्तार गरिरहेका रिपोर्टनै खुलासा गरेको छ।
कर्मचारी निष्काशनसँगै लिंकडइन धेरै सिलिकन भ्याली कम्पनीहरूको सूचीमा सामेल भएको छ जसले एआईको बढ्दो प्रभावका कारण आफ्नो कार्यबल घटाइरहेका छन्।
प्रकाशित: २० जेष्ठ २०८२, मंगलवार
