ह्वाट्सएपले साधारण लगआउट विकल्पको परीक्षण गर्दै

काठमाडौं ।

ह्वाट्सएपले नयाँ सुविधाहरूमा निरन्तर काम गरिरहेको बताइएको छ र तिनीहरु सामान्यतया रिलिज हुनुभन्दा पहिले बिटा संस्करणहरूमा देखा परेको छन्। यसै क्रममा केही उद्यमी व्यक्तिहरूले एन्ड्रोइडको लागि पछिल्लो ह्वाट्सएप बिटा डग (खोजी) गरेर अकाउण्ट सेटिङ्ग्समा आगामी लगआउट विकल्प फेला पारेका छन्।

एक पटक यो लाइभ भएपछि, यसलाई ट्याप गर्दा दुईवटा विकल्पहरू देखा पर्नेछन्। ती मध्ये एउटा विकल्पले लग आउट गर्दै सबै डाटा र प्राथमिकताहरू पनि मेटाउनेछ भने अर्को विकल्पले तपाईंको डाटा र प्राथमिकताहरू कायम राख्ने जनाइएको छ।

यदि तपाईंले आफ्नो डाटा मेटाउने मार्ग छनौट गर्नुभयो भने, यो मूल रूपमा ह्वाट्सएप अनइन्स्टल गर्नु जस्तै हुनेछ भनि उल्लेख गरिएको छ। यसले तपाईंलाई लग आउट गर्ने र सबै एप डाटा र प्राथमिकताहरू मेटाउँनेछ। तर यसले तपाईंलाई समूहहरूबाट भने नहटाउँने बताइएको छ।

अर्कोतर्फ, डाटा मेटाउने विकल्पले अरू केहि नछोइकन तपाईंलाई लग आउट गर्नेछ भने तपाईंको च्याटहरू, समूह च्याटहरू, डाटा र प्राथमिकताहरू सबै तपाईं फर्किएपछि तपाईंको लागि पर्खिरहेका हुनेछन्। त्यसपछि तपाईं आफ्नो फोन नम्बरको साथ फेरि साइन इन गरेर सजिलैसँग सबै कुरा पुनर्स्थापित गर्न सक्नुहुने उल्लेख गरिएको छ।

त्यसैले, यो कुरालाई ध्यानमा राख्दै, यो सुविधा कुनै पनि कारणले ह्वाट्सएपबाट छोटो ब्रेक लिन चाहने ती व्यक्तिहरूको लागि बनाइएको जस्तो देखिन्छ।

लगआउट विकल्पले अझै पनि “आन्तरिक” ब्याज देखाउने बताइएको छ जसले यो व्हाट्सएप विकास टोलीमा आन्तरिक रूपमा सक्रिय रूपमा परीक्षण भइरहेको छ भनेर जनाउने उल्लेख गरिएको छ। अर्को चरण भनेको सबैको लागि पूर्ण बिटा रिलीज हुनेछ भने त्यसपछि निश्चित रूपमा स्थिर रिलीज पनि गरिने जीएसएमएरिनाले उल्लेख गरेको छ।