चीनको ई–कमर्स प्रतिस्पर्धा तीव्र हुँदै जाँदा अलिबाबा र रेडनोटबीच सहकार्य

काठमाडौं ।

चिनियाँ ई–कमर्स जायण्ट अलिबाबाले लोकप्रिय कन्टेन्ट प्लेटफर्म रेडनोटसँग साझेदारी गर्दैछ जसले गर्दा रेडनोटका प्रयोगकर्ताहरूले प्रोडक्ट लिङ्कहरूमा सिधै क्लिक गरेर अलिबाबाको ताओबाओ प्लेटफर्ममा किनमेल गर्न सक्नेछन्।

यो कदमले आधिकारिक रूपमा चीनमा ‘सियाओहोङशु’ भनेर चिनिने र प्रायः इन्स्टाग्रामसँग तुलना गरिने रेडनोट र अलिबाबाको ई–कमर्स पूर्वाधार बीचको एप–टु–एप सपिङ कनेक्सन (किनमेल) लाई जोड्ने छ।

“ताओबाओ र टिमलको वाणिज्य विशेषज्ञतालाई जीवनशैली सामग्रीमा सियाओहोङशुको शक्तिसँग संयोजन गरेर, हामी ब्रान्डहरूलाई उपभोक्ताहरूसम्म अझ प्रभावकारी रूपमा पुग्न मद्दत गरिरहेका छौं,“ अलिबाबा समूहका उपाध्यक्ष र टिमलका अध्यक्ष लिउ बोले उल्लेख गरे।

चीनका ई–कमर्स जायण्टहरूले कमजोर उपभोक्ता विश्वासको बीचमा धेरै मोर्चाहरूमा बजार हिस्साको लागि प्रतिस्पर्धा गर्दा अलिबाबा र रेडनोट बीचको रणनीतिक साझेदारीको विस्तार आएको उल्लेख छ जसले गर्दा खरीदकर्ताहरूलाई आकर्षित गर्न लगभग निरन्तर प्रोत्साहनहरूका साथै फराकिलो मुद्रास्फीति दबाबमा योगदान पुर्याउने छन्।

अनलाइनको युद्ध हालै “इन्स्ट्याण्ट रिटेल” स्पेस (तत्काल खुद्रा क्षेत्र) मा सरेको छ, जुन सुरुमा फुड डेलिभरी सेवाहरूबाट सुरु भएको थियो भने विस्तार हुँदै गएर एक घण्टा भित्र डेलिभर हुने इलेक्ट्रोनिक्स र कपडाहरू पनि समावेश भएको बताइएको छ।

चीनको इन्स्ट्याण्ट रिटेल (खुद्रा) बजारमा लामो समयदेखि फुड डेलिभरी जायण्ट मेइटुआनको प्रभुत्व रहेको छ भने अलिबाबाको एले डट मी (Ele.me) दोस्रो स्थानमा रहेको छ।

गत फेब्रुअरीदेखि, अर्को ई–कमर्स विशाल, जेडी डट कम (JD.com) ले जेडी टेकअवेको रूपमा आफ्नै फुड डेलिभरी शाखामा काम सुरु गरेको छ।
हालैका हप्ताहरूमा, अलिबाबाले ताओबाओको इन्स्ट्याण्ट रिटेल (खुद्रा) क्षमताहरू बढाएको छ भने ताओबाओ एपमा “इन्स्ट्याण्ट कमर्स” पोर्टलबाट गरिएका खरिदहरू एले डट मीको कुरियरमार्फत एक घण्टा भित्र डेलिभर हुने गरेका छन्।

प्रयोगकर्ताहरूलाई आकर्षित गर्ने प्रयासमा, जेडी डट कम र अलिबाबाले आफ्नो प्लेटफर्महरूमा इन्स्ट्याण्ट रिटेल (खुद्रा) खरिदहरूमा अनुदान दिन ठूलो लगानी गरेका छन्।

गत अप्रिलमा जेडी डट कमले एक वर्ष भित्र इन्स्ट्याण्ट रिटेल (खुद्रा) बिक्रीको लागि “१० अर्ब युआन भन्दा बढी” (१.३८ अर्ब अमेरिकी डलर) भन्दा बढी खर्च गर्ने घोषणा गरेको छ। त्यसैगरी सोमबार, अलिबाबाले केवल पाँच दिनमा १ करोड इन्स्ट्याण्ट रिटेल (खुद्रा) अर्डरहरू पूरा गरेको बताएको छ।

रेडनोट र ताओबाओ बीचको एप–टु–एप सपिङ फङ्गसनले अलिबाबाको इन्स्ट्याण्ट रिटेल (खुद्रा) वृद्धिको लागि मद्दत गर्नेछ। साथै प्रारम्भिक पायलट कार्यक्रम द्रुत गतिमा बढ्दो उपभोक्ता वस्तुहरू र स्वास्थ्य सेवा उत्पादनहरूमा केन्द्रित हुने बताइएको छ र दुवै द्रुत रूपमा बढ्दो इन्स्ट्याण्ट रिटेल क्याटेगरी भएको रोयटर्सले उल्लेख गरेको छ।