ह्वाट्सएप ह्याक गरेकोमा पेगासस बनाउने कम्पनीले मेटालाई १६७ मिलियन डलर क्षतिपूर्ति दिनुपर्ने

काठमाडौं ।

ह्वाट्सएप ह्याक गरेको आरोपमा मेटाले एनएसओबाट १६७ मिलियन अमेरिकी डलर क्षतिपूर्ति पाउने भएको छ।

सन् २०१९ मा सरकारी ग्राहकहरूको तर्फबाट व्हाट्सएप ह्याक गरेकोमा मेटाले पेगासस सफ्टवेयर बनाउने कम्पनी एनएसओ समूहबाट १६७ मिलियन अमेरिकी डलर क्षतिपूर्तिको मुद्दा जितेको छ।

क्यालिफोर्नियाको निर्णायक मण्डलले एनएसओलाई कम्प्युटर ठगी कानून उल्लङ्घन गरेको आरोप लगाउँदै आफ्नो मुद्दामा ह्वाट्सएप मालिकको पक्षमा उभियो।

मेटाले अदालतको फैसला “यस दुर्भावनापूर्ण उद्योगको लागि महत्वपूर्ण निवारक” भएको बताएको छ र अन्य कम्पनीहरूलाई प्रयोगकर्ताको गोपनीयता उल्लङ्घन गर्ने यस प्रकारको अवैध स्पाइवेयर विरुद्ध बचाउन आह्वान गरेको छ।