चैत मसान्तसम्म साढे १८ अर्बमाथिको विद्युतीय चारपाङ्रे सवारी आयात

काठमाडौं ।

चैत मसान्तसम्ममा नेपालमा १८ अर्ब ६१ करोड रुपैयाँ हाराहारीको ७ हजार ९ सय ५८ थान विद्युतीय चारपाङ्ग्रे सवारी साधान आयात भएको छ।

भन्सार विभागले हालै सार्वजनिक गरेको चालु आर्थिक वर्ष २०८१/८२ को चैत महिनासम्मको वैदेशिक व्यापार प्रतिवेदनमा यो आँकडा उल्लेख गरिएको पाइएको हो।

प्रतिवेदनका अनुसार यसरी भित्रिएका चारपाङ्ग्रे सवारी साधनमा विशेषगरी सामान्य कार, जीप र भ्यानका साथै अतिरिक्त मोटर पावर भएका कार, जीप र भ्यान रहेका छन्। यो सूचीमा तीनपाङ्रे र दुईपाङ्रे सवारी साधनलाई समावेश गरिएको छैन।

चालु आर्थिक वर्ष २०८१/८२ को नवौै महिना चैतसम्म नेपाल भित्रिएका चारपाङ्ग्रे सवारी साधनको समग्र मूल्य १८ अर्ब ६१ करोड ५८ लाख ३० हजार रुपैयाँ रहेको छ।

अघिल्लो महिना माघसम्म १६ अर्ब ६४ करोड ३२ लाख ८७ हजार रुपैयाँ बराबरको ७ हजार ८० चारपाङ्ग्रे विद्युती सवारी साधन आयात भएका थिए। यसरी हेर्दा फागुनबाट चैतसम्मको १ महिनामा १ अर्ब ९७ करोड २५ लाख ४३ हजार बराबरको ८७८ चारपाङ्ग्रे सवारी भित्रिएको देखिन्छ।

भन्सार विभागका अनुसार यस अवधिमा चीन, भारत र जर्मनी, द. कोरिया, इण्डोनेसिया र अमेरिका गरी विश्वका ६ देशबाट ती सवारी साधन भित्रिएका हुन्।

यस्तो छ आयातको विवरण:

५० किलोवाटसम्मको कार, भ्यान र जीप

५१ देखि १०० किलोवाटदेखि सम्मको कार, भ्यान र जीप

१०१ देखि २०० किलोवाटदेखि सम्मको कार, भ्यान र जीप

२०१ देखि ३०० किलोवाटदेखि सम्मको कार, भ्यान र जीप

३०० किलोवाटदेखि माथिको कार, भ्यान र जीप