फक्सकनले अब ब्राजिलमा आईफोन १६ई एसेम्बल गर्दै

काठमाडौं ।

एप्पलको प्रमुख अनुबंध निर्माता, फक्सकनले वर्षौंदेखि चीनभन्दा बाहिर भारत, भियतनाम र ब्राजिलसहितका प्लान्टहरूमा आफ्नो आईफोन एसेम्बली सुविधाहरूलाई विविधीकरण गर्दै आएको छ।

ब्राजिलमा बिक्री गरिने आईफोन १६ई एकाइहरू साओ पाउलोको जुनडियाईमा रहेको फक्सकन कारखानामा स्थानीय रूपमा उत्पादन हुँदै आएको बताइएको छ। त्यसैगरी हालैको एउटा अफवाहले एप्पलले ब्राजिलमा आईफोन उत्पादन विस्तार गर्न खोजिरहेको सुझाव दिएको छ।

ब्राजिलमा बेचिने आईफोन १६ई को रिटेल (खुद्रा) बक्सहरूमा “एसेम्बल्ड इन ब्राजिल–ब्राजिलियन इन्डस्ट्रि” ट्याग रहेको म्याकम्यागजिनले रिपोर्ट गरेको छ। डिभाइसहरू ए३४०९ मोडेल नम्बर र एमडी१आर४बीआर/ए आईडेन्टिफायर (पहिचान)को साथ आउने गरेको बताइएको छ।

फक्सकनले ब्राजिलमा आईफोनहरू उत्पादन गरेको यो पहिलो पटक भने होइन। फक्सकनले यस अघि आईफोन एसई २०२० को साथै भेनिला आईफोन १३, १४, १५ र १६ मोडेलहरू एसेम्बल गरिसकेको छ। हालैको लिबरेसन डे ट्यारिफ (शुल्क)लाई ध्यानमा राख्दै, एप्पलले बढी अनुकूल शुल्क भएका देशहरूमा आफ्नो उपस्थिति विस्तार गर्न खोजिरहेको र ब्राजिलको १० प्रतिशत आयात कर सबैभन्दा कम मध्ये एक भएको भन्दै जीएसएमएरिनाले उल्लेख छ।