अमेरिकी एप्पल स्टोरहरूमा आईफोनको माग बढ्यो, ग्राहकहरूमा मूल्य वृद्धिको डर

काठमाडौं ।

राष्ट्रपति ट्रम्पले गत हप्ता अन्य देशहरूबाट आयातमा कर लगाउने घोषणा गरेपछि अहिले विश्वभर यसै बारेमा चर्चाहरूक साथै धेरै कुराहरू भइरहेका छन्। सम्भावित मूल्य वृद्धिको डरले, धेरै ग्राहकहरू नयाँ आईफोन र अन्य उत्पादनहरू महँगो हुनु अघि किन्न एप्पल स्टोरहरूमा ओइरिरहेका छन्।

अमेरिकी शुल्कका कारण मूल्य वृद्धि हुनु अघि आईफोन किन्ने ग्राहकहरूको ओइरो

अमेरिकाभरिका विभिन्न एप्पल स्टोरका कर्मचारीहरूले ‘प्रोडक्टहरू, विशेष गरी आईफोनहरूको मागमा वृद्धि देखेको’ सोमबार ब्लूमबर्गलाई बताएका छन्। साथै यी कर्मचारीहरूले ट्रम्पले घोषणा गरेको नयाँ शुल्कका कारण धेरै ग्राहकहरूले मूल्य वृद्धिको बारेमा सोधिरहेको बताएका छन्।

‘लगभग हरेक ग्राहकले मूल्यहरू बढ्नेछ कि छैन भनेर सोधेको छन्’ एप्पलका एक कर्मचारीले भने। ‘मानिसहरू चिन्तित भएर प्रश्नहरू सोधिरहेका छन्,’ अर्का कर्मचारीले भने।

यस विषयमा परिचित स्रोतहरूका अनुसार, एप्पलले यी प्रश्नहरूको जवाफ कसरी दिने वा उच्च मागलाई कसरी सम्बोधन गर्ने भन्ने बारेमा खुद्रा कर्मचारीहरूलाई केही निर्देशन प्रदान नगरेको बताइएको छ।

अन्य कर्मचारीहरूले भने हालको मागलाई नयाँ आईफोन आहुँदा वा छुट्टीको मौसममा देखिने गरेका लाइनहरूसँग तुलना गरेका छन्। त्यसैगरी नयाँ शुल्कबाट डराएर यस हप्ता ग्राहकहरूले नयाँ म्याक किन्ने बारेमा रेडिट र अन्य सामाजिक सञ्जालहरूमा रिपोर्टहरू आएका छन्।

अमेरिकी सरकारले चीनका उत्पादनहरूमा ३४ प्रतिशत र भारतका उत्पादनहरूमा २६ प्रतिशत कर लगाउने भएको छ। एप्पलले आफ्ना अधिकांश प्रोडक्ट (उत्पादन) हरू यी दुई देशहरूमा एसेम्बल गर्दछ। नयाँ शुल्कहरू प्रत्येक देशले पहिले नै अमेरिकाबाट आयात गरिएका उत्पादनहरूमा लगाएको शुल्कको “पारस्परिक” हो भनि ट्रम्पले दावी गरेका छन्।

एप्पलले अब के हुन्छ भनेर नबताए पनि एक रिपोर्टले एप्पलले केही दिनमै भारत र चीनबाट उत्पादनहरूले भरिएका पाँचवटा विमान उडाएको खुलासा गरेको छ। यस पर्याप्त स्टकले कम्पनीलाई लामो समयसम्म आफ्नो उत्पादनहरूको हालको मूल्यहरू समान राख्न मद्दत गर्नेछ।

ट्रम्पले ब्राजिलमा १० प्रतिशत कर लगाएपछि एप्पलले फक्सकनसँग साझेदारीमा ब्राजिलमा आफ्ना सुविधाहरू विस्तार गर्ने विचार गरिरहेको अर्को रिपोर्टले दावी गरेको छ जुन चीन र भारतको भन्दा कम हुनेछ।

गत हप्ता नयाँ ट्यारिफ घोषणा भएदेखि एप्पलको शेयर पहिले नै १८ प्रतिशत भन्दा बढीले घटेको छ र अन्य अमेरिकी कम्पनीहरूसँग पनि त्यस्तै भएको ९टु५म्याकले उल्लेख गरेको छ।