सामसङद्वारा नयाँ सुविधाहरूसहित गेम बूस्टर प्लस सार्वजनिक

काठमाडौं ।

केही ग्यालेक्सी डिभाइसहरूमा रहेका गेम बूस्टर एपले तपाईंलाई केही थप राम्रा सुविधाहरू दिएर गेमिङ एक्सपिरियन्स (अनुभव) लाई बढाउन मद्दत गर्दछ र सामसङले केही थप सुविधाहरूसहित एपलाई सुधार गरिरहेको उल्लेख छ।

नयाँ गेम बूस्टर+ गुड लक एपको अंशको मोड्युलको रूपमा हाल दक्षिण कोरियामा मात्र उपलब्ध छ। निकट भविष्यमा कोरिया बाहिरका प्रयोगकर्ताहरूलाई पनि गेम बूस्टर प्लस उपलब्ध गराइनेछ अपेक्षा गएिको छ।

गेम बूस्टरप्लसले की रिम्यापिङ, अतिरिक्त जीपीयू सेटिङहरू र एपहरूलाई खेलको रूपमा म्यानुअल वर्गीकरण थप्ने उल्लेख गरिएको छ।

गेम कन्ट्रोलर की रिम्यापिङले तपाईंलाई सर्टेन (निश्चित) इन–गेम कन्ट्रोल्स (नियन्त्रणहरू) लाई अन्य इच्छित कीहरूमा पुनः म्याप गर्न अनुमति दिनेछ भने यसले तपाईंलाई विभिन्न खेलहरूको लागि उपयुक्त फरक प्रोफाइलहरू सेट अप गर्ने विकल्प पनि दिने उल्लेख गरिएको छ।

नयाँ जीपीयू सेटिङहरूमा प्रि ट्रान्सफर्म र टेक्सचर फिल्टर समावेश रहेका छन्। ट्रान्सफर्म भल्कन गेम्स (खेलहरू) को स्क्रिन रोटेशनमा जीपीयू अफलोड गर्ने तरिका हो भने टेक्सचर फिल्टरले खेलहरूमा टेक्सचर गुणस्तर सुधार गर्दछ। यसलाई डिफल्ट (पूर्वनिर्धारित), पर्फमेन्स वा क्वालिटी (गुणस्तर) मा सेट गर्न सकिने बताइएको छ।

गेम बूस्टर+ ले सूचीमा एपहरू थप्न र तिनीहरूलाई “खेलहरू” को रूपमा वर्गीकृत गर्न अनुमति दिनेछ। यो विशेष गरी “खेलहरू” को रूपमा लेबल नगरिएका निश्चित खेलहरूको लागि उपयोगी हुने बताइएको छ।

फलस्वरूप गेम बूस्टरले काम नगर्ने उल्लेख गरिएको छ। यसरी तपाईं म्यानुअल रूपमा एपहरू थप्न र धेरै आवश्यक गेम बूस्टर सुविधाहरू सक्षम गर्न सकिने जीएसएमएरिनाले उल्लेख गरेको छ।