रियलमी १४ प्रो लाइट स्न्यापड्रागन ७एस जेन २ र ५०एमपी सोनी एलवाईटी ६०० क्यामराको साथ भारतमा सार्वजनिक

काठमाडौं ।

रियलमीले आधिकारिक रूपमा भारतीय बजारमा नयाँ मिड रेञ्ज स्मार्टफोनको घोषणा गरेको छ। रियलमी १४ प्रो लाइट केही उल्लेखनीय स्पेक्सहरू र फिचर्स (विशेषताहरू) को साथ अनावरण गरिएको छ।

रियलमी १४ प्रो लाइटको विशेषता र सुविधाहरू

रियलमी १४ प्रो लाइटमा १२० हर्ज रिफ्रेस रेट, एफएचडी+ रिजोल्युसन, २००० निट्स पिक ब्राइटनेस र कोर्निङ गोरिल्ला ग्लास ७आई सहितको ६.७ इन्चको कर्भ्ड प्रो एक्सडीआर एएमओएलईडी डिस्प्ले समावेश गरिएको छ।

हुड अन्तर्गत, डिभाइसमा क्वालकमको स्न्यापड्रागन ७एस जेन २ एसओसी समावेश गरिएको छ जुन ८ जीबी र्याम र २५६जीबी सम्मको आन्तरिक स्टोरेजसँग संयोजन गरिएको छ।

प्रयोगकर्ताहरूले थप ८जीबी र्यामको लागि भर्चुअल र्याम विस्तार पनि प्रयोग गर्न सक्नेछन्। यो चिपले एआई बेस्ट फेस, एआई अल्ट्रा क्ल्यारिटी, एआई स्मार्ट रिमुभल, एआई आई प्रोटेक्शन जस्ता र थप विभिन्न एआई सुविधाहरूलाई पावर (शक्ति) दिन मद्दत गर्नेछ।

रियलमी १४ प्रो लाइटमा ठूलो ५,२००एमएएच ब्याट्री प्याक समावेश गरिएको छ जसले ४५वाट वायर्ड फास्ट चार्जिङलाई समर्थन गर्दछ। यो मोडेलमा एन्ड्रोइड १५ ओएस आधारित रियलमी यूआई ६ कस्टम स्किन रहेको छ।

रियलमी १४ प्रो लाइटको पछाडिको भागमा ५० मेगापिक्सेलको सोनी एलवाईटी ६०० मुख्य सेन्सर र ८ मेगापिक्सेलको अल्ट्रा वाइड एंगल लेन्सको साथ डुअल क्यामरा सेटअप रहेको छ। सेल्फी र भिडियो कलहरूको लागिद ३२ मेगापिक्सेलको क्यामरा पनि समावेश गरिएको छ।

अन्य उल्लेखनीय सुविधाहरूमा डुअल मोड फाइभजी, ब्लुटुथ ५.२, वाई–फाई ६, हाई–रेस अडियोको साथ डुअल स्पिकरहरू, सुरक्षाको लागि इन–डिस्प्ले फिङ्गरप्रिन्ट स्क्यानर, र पानी र धुलो प्रतिरोधका लागि आईपी६५ रेटिङ समावेश गरिएका छन्।

मूल्य निर्धारण र उपलब्धता

रियलमी १४ प्रो लाइटलाई ग्लास गोल्ड र ग्लास पर्पल गरी दुई रङ्ग विकल्पहरूमा घोषणा गरिएको छ। यो ८जीबी + १२८जीबी र ८जीबी + २५६जीबी गरी दुई स्टोरेज कन्फिगरेसनहरूमा उपलब्ध हुनेछ।

डिभाइसको प्रारम्भिक मूल्य २१,९९९ भारतीय रुपैयाँ कायम गरिएको छ भने ठूलो भण्डारण संस्करण २३,९९९ भारतीय रुपैयाँको मूल्य तोकिएको छ। रियलमीले फोनलाई फ्लिपकार्ट र ब्रान्डको आधिकारिक वेबसाइटमा घोषणा गरेको गीज्मोचाइनाले उल्लेख गरेको छ।