एप्पलको पहिलो फोल्डेबल फोन ७.७४ इन्च डिस्प्लेसहित हाइब्रिड डिभाइस हुने नयाँ खुलासा

काठमाडौं ।

एप्पलको फोल्डेबल डिभाइसको बारेमा लामो समयदेखि लीक र अफवाहहरू फैलिरहेका छन्। फोल्डेबल फोन सेग्मेन्टमा प्रवेश गर्ने कम्पनीहरूको सूचीमा एप्पल सबैभन्दा नयाँ नाम हुनेछ। यद्यपि, एप्पलले आफ्नो फोल्डेबल उपकरणको बारेमा आधिकारिक रूपमा कुनै संकेत दिएको छैन।

विभिन्न रिपोर्टहरूमा यसको फोल्डेबल फोन र फोल्डेबल आईप्याडको बारेमा छलफलहरू छन्। अब यसै क्रममा अर्को अपडेट आएको छ जसले एप्पलको फोल्डेबल फोनको डिस्प्ले र डिजाइनको बारेमा महत्त्वपूर्ण कुराहरू प्रकट गर्ने दाबी गरेको छ।

एप्पलको फोल्डेबल फोनको डिस्प्लेको बारेमा फेरि नयाँ लीक देखिएको छ। चीनको एक प्रसिद्ध टिपस्टर, डिजिटल च्याट स्टेशनले वेईबोमा एक पोस्ट साझा गरेका छन। यसमा भनिएको छ कि एप्पलको फोल्डेबल उपकरणमा ५.४९ इन्चको बाह्य डिस्प्ले हुनेछ। जबकि यसको प्राथमिक फोल्डिङ्ग डिस्प्ले ७.७४ इन्च ठूलो हुनेछ।

टिपस्टरले एप्पलले आफ्ना प्रतिस्पर्धीहरूको तुलनामा आफ्नो फोल्डेबल डिभाइसमा उल्लेखनीय स्तरोन्नति गर्ने प्रयास गरिरहेको बताएका छन।

नोटबुक शैलीका फोल्डिङ फोनहरूमा चारकुने मुख्य डिस्प्ले हुन्छ जुन प्रायः वर्गाकार आकारको हुन्छ। एप्पल सम्भवतः एउटा हाइब्रिड उपकरणमा काम गरिरहेको छ जुन आवश्यक पर्दा फोल्ड गर्न मिल्ने फोनको रूपमा र आवश्यक पर्दा आईप्याडको रूपमा पनि प्रयोग गर्न सकिन्छ। टिपस्टरको अनुमान छ कि कम्पनीको पहिलो फोल्डेबल फोन ओप्पो फाइन्ड एन भन्दा बाक्लो र सानो हुन सक्छ।

एप्पलले यस लोकप्रिय डिभाइसको बारेमा अहिलेसम्म कुनै आधिकारिक बयान जारी गरेको छैन। कम्पनीले फोल्डेबल फोनको लागि डिस्प्ले आपूर्तिकर्ता छनोट गर्ने प्रयास तीव्र पारेको हालै समाचार आएको थियो। कम्पनीको यो फोल्डेबल डिभाइस सन् २०२६ मा रिलिज हुन सक्छ, जसलाई अझै धेरै समय हुन सक्ने बताईएकोछ।

अहिलेसम्म प्राप्त जानकारी अनुसार, कम्पनीले फ्लिप फोन नभई फोल्ड फोन मात्र लन्च गर्नेछ। कथित रूपमा, यसमा सामसङको डिस्प्ले देख्न सकिनेछ।