भिभो भी५० स्लीक डिजाइन र ६००० एमएएच ब्याट्रीको साथ भारतमा डेब्यू

काठमाडौं ।

भिभोले आधिकारिक रूपमा भिभो भी५० भारतमा लन्च गरेको छ। भिभो भी५० प्रिमियम मिड–रेञ्ज स्मार्टफोन खण्डमा पछिल्लो थप भएको बताइएको छ। गत वर्षको भिभो भी४० को उत्तराधिकारी रूपमा यो भिभो भी५० स्लिम डिजाइन, ठूलो ६००० एमएएच ब्याट्री र एक भारत–विशेष स्टेरी नाइट कलरको साथ आएको छ।

भिभो भी५० आफ्नो खण्डमा ६००० एमएएच ब्याट्री समावेश गर्ने सबैभन्दा पातलो फोन भएको भिभोले दावी गरेको छ।

मूल्य निर्धारण र उपलब्धताः
भिभो भी५० को ८जीबी र्याम र १२८जीबी स्टोरेजसहितको आधार मोडेलको लागि ३४,९९९ भारु बाट मूल्य सुरु हुन्छ। यो दुई उच्च संस्करणहरूमा पनि उपलब्ध छः

• ८जीबी + २५६जीबी – ३६,९९९ भारु
• १२जीबी + ५१२जीबी – ४०,९९९ भारु

स्मार्टफोन फेब्रुअरी २५ तारिखदेखि अमेजन, फ्लिपकार्ट र भिभोको आधिकारिक वेबसाइट मार्फत बिक्री हुनेछ भने प्रि–अर्डरहरू पनि सुरु भएका छन्। स्मार्टफोन रोज रेड, टाइटेनियम ग्रे र स्टेरी नाइट गरी तीनवटा रङ विकल्पहरूमा रोज्न सकिने छ।

भिभो भी५० को विशिष्टताहरूः
भिभो भी५० ले १२० हर्ज रिफ्रेस रेट र ४५०० निट्सको पीक ब्राइटनेस रहेको ६.७७ इन्चको एफएचडी+ क्वाड–कव्र्ड एएमओएलईडी डिस्प्ले (२३९२×१०८० पिक्सेल) समावेश गर्दछ। आन्तरिक रूपमा, फोनले क्वालकम स्न्यापड्रागन ७ जेन ३ प्रोसेसर प्रयोग गर्दछ जुन चिपसेट यसको पूर्ववर्ती भिभो भी४० मा पनि पाइने उल्लेख गरिएको छ।

फोटोग्राफीको लागि, भी५० ले अप्टिकल इमेज स्टेबिलाइजेसन (ओआईएस) सहितको ५० मेगापिक्सेलको प्राथमिक क्यामरा र पछाडि ५० मेगापिक्सेलको वाइड–एंगल लेन्स समावेश गर्दछ। अगाडिको क्यामरा पनि ५० मेगापिक्सेलको वाइड–एंगल लेन्स भएको उल्लेख गरिएको छ।

डिभाइसलाई पावर गर्नको लागि ६,००० एमएएचब्याट्री समावेश गरिएको छ जसले ९०डब्ल्यू फास्ट चार्जिङलाई समर्थन गर्दछ। यसले एन्ड्रोइड १५ मा आधारित फनटच ओएस १५ रन गर्ने (चलाउने) बताइएको छ। भिभोले दीर्घकालीन सफ्टवेयर समर्थन सुनिश्चित गर्दै तीन वर्षको ओएस अपडेट र चार वर्षको सुरक्षा अपडेटहरू उपलब्ध गर्ने प्रतिबद्ध गरेको उल्लेख छ।

अन्य सुविधाहरूमा आईपी६८ र आईपी६९ धुलो र पानी प्रतिरोध रेटिङ, अप्टिकल इन–डिस्प्ले फिङ्गरप्रिन्ट सेन्सर र ब्लुटुथ ५.४ जडान समावेश रहेको गीज्मोचाइनाले उल्लेख गरेको छ।