नयाँ विन्डोज अपडेटले ल्यायो नयाँ समाधान र सुविधाहरु

काठमाडौं ।

माइक्रोसफ्टको अपरेटिङ सिस्टमको अपडेटले ठूलो संख्यामा सुधारहरूका साथै नयाँ एप पनि ल्याएको छ।

माइक्रोसफ्टले सेक्युरिटी फिक्स र मेमोरी लीक फिक्स थप्दै विन्डोज संस्करणहरू २२एच२ र २१एच२ को लागि संचयी अपडेटहरू केबी५०५१९७४ जारी गरेको छ।

माइक्रोसफ्टले उक्त अपडेटहरूका साथै केही अप्रत्याशित रुपमा विन्डोज एपको लागि नयाँ आउटलुक पनि ल्याएयो छ। यो अपडेट अनिवार्य भएको र यसले यस वर्षको जनवरीदेखि प्याच ट्युज्डे सेक्युरिटी (सुरक्षा) फिक्सहरू समावेश गर्दछ।

एक पटक इन्स्टल (स्थापना) भएपछि, स्टार्ट मेनुको एप्स खण्डमा क्लासिकको छेउमा एउटा नयाँ एप आइकन देनिने बताइएको छ।

नयाँ एप्लिकेसन पुरानोसँग एकैसाथ चल्न सक्ने भएकोले, कुनै पनि अवरोधहरूको बारेमा चिन्ता लिनु नपर्ने उल्लेख गरिएको छ।

त्यसैगरी अपडेटले न्यारेटर सक्षम गरेर निश्चित किबोर्ड सर्टकटहरू प्रयोग गर्दा स्निपिङ टुल र क्याप्चर सेवाले काम गर्न छोड्ने समस्यालाई पनि समाधान गरेको छ।

अन्य महत्त्वपूर्ण परिवर्तनहरूः
बिङ सर्चले अब बाइदु जस्ता ब्राउजरहरूको लागि सर्च बारमा अटोमेटिक सजेसन्स (स्वचालित सुझावहरू) प्रदान नगर्ने।

डिजिटल–टु–एनालग कन्भर्टर (डीएसी) प्रयोग गर्दा यूएसबी अडियो डिभाइसहरूमा कुनै समस्या नहुने।

यूएसबी क्यामराहरू कनेक्टेड र एक्टिभेट हुँदा अब स्वचालित रूपमा पहिचान हुनेछ।

भर्चुअल मेमोरी खपत गरेर एप्लिकेसन क्र्यास निम्त्याउने गरेको एउटा समस्याको पनि समाधान गरिएको छ।

कलर डिस्प्लेलाई असर गर्ने र खेलहरू क्र्यास हुने/निम्त्याउने गरेको अटो एचडीआरको समस्या पनि समाधान गरिएको छ।

तपाइँको कम्प्यूटर अपडेटको लागि तयार छ कि छैन भनेर जाँच गर्नको लागि, सेटिङ्हरू खोलेर विन्डोज अपडेटमा गएर त्यसपछि चेक फर अपडेट्समा क्लिक गर्नुपर्ने छ।

यदि अपडेट उपलब्ध छ भने, स्वतः डाउनलोड सुरु हुने बताइएको छ। त्यसपछि कम्तिमा दुई पटक कम्प्युटर पुनः सुरु गर्नुपर्ने आवश्यकको टेलीग्राफले उल्लेख गरेको छ।