एक्सपेरिया १ भीमा एन्ड्रोइड १५ सीडिङ गर्दै सोनी

काठमाडौं ।

एन्ड्रोइड १५ रोल आउट भएको केही समय पछि सोनीले द्रुत रुपमा आफ्नो एक्सपेरिया १ भीआई फ्ल्यागशिप मोडेलको लागि सबैभन्दा नयाँ ओएस जारी गरेका थियो। अब सन् २०२३ टप–टियर मोडेल एक्सपेरिया १ भीले एन्ड्रोइड १५ प्राप्त गर्ने भएको छ।

एक्सपेरिया १ भी को लागि सोनीको समर्थन पृष्ठले एन्ड्रोइड १५ अब रोल आउट हुँदैछ र प्रणालीमा धेरै परिवर्तनहरू ल्याउने छ भनी संकेत गरेको बताइएको छ। उदाहरणका लागि, जस्तै प्राइभेट स्पेस, नयाँ वालपेपर र होम स्क्रिन/लक स्क्रिन शैलीहरू, नयाँ साइड सेन्स सुविधाहरू, पुनः डिजाइन गरिएको क्विक सेटिङ्गस प्यानल र नोटिफिकेसन शेड, नयाँ पप–अप विन्डोहरू, ब्लुटुथ एलई अडियोमा ब्लुटुथ प्रसारण र थपको फाइदा लिन सकिने उल्लेख गरिएको छ।

यद्यपि यो एक्सपेरिया १ भी ह्यान्डसेटले अब देखि ठूला सफ्टवेयर अपडेटहरू प्राप्त नगर्ने र केवल सुरक्षा प्याचहरू प्राप्त गर्ने बताइएको छ। एन्ड्रोइड १३ सँग लन्च गरिएको ह्यान्डसेटले अब नवीनतम एन्ड्रोइड १५ अपग्रेड प्राप्त गर्ने भएको छ भनि जीएसएमएरिनाले उल्लेख गरेको छ।