ताजा समाचार

निर्यात बढाउन हाईइण्ड मोबाइल फोनको पार्ट्स आयातमा शुल्क कटौती गर्दै भारत

निर्यात बढाउन हाईइण्ड मोबाइल फोनको पार्ट्स आयातमा शुल्क कटौती गर्दै भारत
Global IME Bank

भारतले हाई एण्ड मोबाइल फोन उत्पादन गर्न आवश्यक पर्ने पार्ट्समा आयात शुल्क कटौती गर्ने भएको छ। मोबाइल फोनको पार्ट्समा आयात शुल्क घटाउने तर्फ सरकारले योजना बनाइरहेको दुई सरकारी अधिकारीले बताएको लाइभमिन्टले उल्लेख गरेको छ।

यसले सम्भावित रुपमा एप्पल लगायत कम्पनी जसले भारतमा मोबाइल उत्पादन गर्नेलाई लाभ हुनेछ। साथै भारतमा निर्मित मोबाइलको निर्यात पनि बढ्ने सरकारले अपेक्षा गरेको छ।

यस क्षेत्रका कम्पनीहरूले भारतमा स्मार्टफोन बनाउने लागत घटाउन र चीन र भियतनाम जस्ता क्षेत्रीय प्रतिस्पर्धीहरूसँग खेल्ने क्षेत्रलाई स्तरोन्नति गर्न करिब एक दर्जन कम्पोनेन्टहरूमा कटौती गर्न दबाब दिइरहेका छन्।

एक अधिकारीका अनुसार भारतको इलेक्ट्रोनिक्स र सूचना प्रविधि मन्त्रालयले शुल्क कटौतीको आकार सहित प्रस्तावलाई अघि बढाउँदैछ। र फेब्रुअरी १ मा संघीय बजेटमा समावेश गर्न सकिने बताइएको छ। मन्त्रालयको प्रस्तावमा कति ओटा कम्पोनेन्ट छन् भन्ने प्रष्ट छैन।

बजेटलाई अन्तिम रूप दिएपछि कटौतीको निर्णय अर्थ मन्त्रालयले लिने दुई व्यक्तिले बताए।

प्रस्तावमा हाई एण्ड फोनहरुको लागि क्यामरा पार्ट्स लगायतका कम्पोनेन्टहरु समावेश भएको दोस्रो व्यक्तिले भने।

उद्योग संस्था इन्डिया सेलुलर एण्ड इलेक्ट्रोनिक्स एसोसिएसन (आईसीईए) का अनुसार क्यामरा मोड्युल र चार्जर जस्ता मोबाइल फोनका कम्पोनेन्टहरूमा आयात शुल्क हाल २.५% देखि २०% सम्म रहेको छ।

मोबाइल फोन अधिक उत्पादन गर्ने मुलुकहरु चीन, भियतनाम, मेक्सिको र थाइल्याण्ड लगायतको तुलनामा भारतको कर सबैभन्दा बढी रहेको बताइएको छ।

Sajilo Visa
easy care