टोयोटा र साझेदार पोनी डट एआईले चीनमा बृहत स्तरमा रोबोट्याक्सी उत्पादन गर्ने

काठमाडौं ।

टोयोटा र साझेदार पोनी डट एआई (Pony.ai)ले चीनमा ठूलो मात्रामा रोबोट्याक्सी उत्पादन गर्ने योजना बनाइरहेको छन्। उनीहरुले यस वर्ष एउटा उद्यम स्थापना गर्ने छन् जसले स्टार्टअपको स्वायत्त ड्राइभिङ प्रविधि र सवारी-हेलिङ सेवाहरू प्रयोग गर्ने कारहरू निर्माण गर्नेछ।

दुई कम्पनीहरू र जीएसी-टोयोटा, जापानी अटोमेकर र चिनियाँ सरकारी स्वामित्वको गुआन्झाउ अटोमोबाइल समूह बीचको उद्यमले संयुक्त रूपमा १ बिलियन युआन (१४० मिलियन डलर) भन्दा बढी लगानी गर्ने पोनी डट एआईले एक विज्ञप्तिमा भन्यो।

“यो टोयोटाका लागि ‘चिनियाँ-शैली उत्तराधिकार र विकास’ गर्नको लागि महत्वपूर्ण कदम मात्र होइन,पोनी डट एआईसँगको हाम्रो व्यापारिक सहयोगको नयाँ चरण पनि हो,” टोयोटा चीनका सीईओ तात्सुरो उएडाले विज्ञप्तिमा भने।

टोयोटाले २०१९ मा पहिलो पटक कम्पनीहरू मिलेदेखि पोनी डट एआईमा करोडौं डलर लगानी गरेको छ।

पोनी डट एआईका सीईओ पेङ जुनले यो कदमले कनेक्टेड कार उद्योगको विकासलाई समर्थन गर्ने बताए।

सेल्फ ड्राइभिङ कारको विकासमा चीन सबैभन्दा अगाडि रहेको छ र पोनी डट एआईले बेइजिङ, सांघाई, शेन्जेन र ग्वाङ्झाउमा रोबोट्याक्सी सेवा सुरु गरेको छ।