काठमाडौं ।
मोटरसाइकलका लागि परिचित अस्ट्रियाको प्रख्यात ब्रान्ड केटीएमले आफ्नो नवीनतम रोड मोडल, “मेकीना रेभेलेटर एसएक्स प्राइम” को रिलीजसँगै अब ई-बाइकको संसारमा प्रवेश गरेको छ।
आकर्षक अन-रोड प्रदर्शनसँग हल्का तौल निर्माणको संयोजन गर्दै, यो ई-बाइकले यात्रुलाई असाधारण सवारी अनुभव प्रदान गर्ने लक्ष्य राखेको छ।
मेकीना रेभेलेटर एसएक्स प्राइमले तौल घटाउने तथा स्थायित्वको बीचमा सन्तुलन कायम गर्ने पूर्ण कार्बन फ्रेम बुस्ट गर्ने बताइएकाे छ। यो शक्तिशाली बाेस्च पर्फरमेन्स लाइन एसएक्स माेटरले सुसज्जित गरिएकाे तथा विशेष गरी हल्का ई-बाइकका लागि डिजाइन गरिएको उल्लेख छ। युरोपेली कानूनहरूको पालन सुनिश्चित गर्दै शीर्ष गतिलाई १५.५ माइल प्रति घण्टामा सीमित गर्ने बताइएकाे छ।
यो बाइक भरपर्दो बाेस्च कम्प्याक्ट ट्युब ४०० वाट/घण्टा ब्याट्रीद्वारा संचालित रहेकाे छ, जसले कुशल ऊर्जा उपयोग प्रदान गर्ने बताइएकाे छ। थप रूपमा, यो बाेस्च पावर माेर २५० रेन्ज एक्स्टेन्डरसहित रहेकाे छ।
बाेस्च मीनी रिमाेट ड्रप्बारले विभिन्न पावर अप्सनरूमा द्रुत पहुँच प्रदान गर्दै सहायता स्तरहरूको सजिलो समायोजनलाई सक्षम बनाउने बताइएकाे छ।
यसबाहेक, मेकीना रेभेलेटर एसएक्स प्राइम बाेस्च इ बाइक फ्लाे एपसँग मिल्दोजुल्दो रहेकाे छ जसले राइडरहरूलाई फाइन-ट्युनिङ सेटिङ्सद्वारा आफ्नो सवारी अनुभवलाई पर्सनलाइज गर्न अनुमति दिने उल्लेख छ।
पेडलहरू हटाउँदा कार्बन-फ्रेम गरिएको ई-बाइकको तौल मात्र १३.३ किलोग्राम हुनेछ। केटीएम मेकीना रेभेलेटर एसएक्स प्राइम इ बाइक २०२४ मा रिलिजको लागि निर्धारित रहेकाे जसको मूल्य यूराे ७,८९९ (लगभग ८,६०० अमेरीकी डलर) रहेकाे छ।
प्रकाशित: २७ असार २०८०, बुधबार
