जियो फोन ५जीको तस्विर लीक! यस्तो छ फोनको फिचर

काठमाडौं ।

भारतीय टेलिकम अपरेटर रिलायन्स जियोको बहुप्रतिक्षित फाइभजी स्मार्टफोन जियो फोन ५जीको बारेमा नयाँ अपडेट छ। जियो फोन ५जी को तस्विर लीक भएको छ। यो फोन यस वर्षको दीपावलीमा लन्च गर्न सक्ने पनि चर्चा छ । लीक भएका तस्बिरहरूमा फोनको रियर र ब्याक प्यानल देख्न सकिन्छ।

यसअघि पनि यस फोनसँग सम्बन्धित जानकारी धेरै पटक लिक भइसकेको छ तर यसपटक यसको मुख्य फिचर्सको जानकारी सार्वजनिक भएको छ। यो बजेट फाइभजी स्मार्टफोन हुनेछ।

रिपोर्टका अनुसार एक ट्विटर प्रयोगकर्ताले यो फोनको तस्बिर सेयर गरेका छन् र यसमा लेखेका छन् कि यो फोन यस वर्ष दीपावली वा नयाँ वर्षको बीचमा जुनसुकै बेला बजारमा आउन सक्छ। प्रयोगकर्ताले फोन फाइभजीमा युनिसोक ५जी वा मिडियाटेक डाइमेन्सिटी ७०० प्रोसेसर हुन सक्ने बताएको छ। फोनको पछाडि डुअल क्यामरा हुनेछ। यसमा प्राइमरी क्यामरा १३ मेगापिक्सेल र फ्रन्ट क्यामरा २ मेगापिक्सेलको हुनेछ। यसैगरी ५ मेगापिक्सेलको क्यामराबाट सेल्फी लिन सकिनेछ।

लीक भएको तस्विरमा प्यानलमा प्लास्टिक बडी राखिएको देखिन्छ। अगाडि वाटरड्रप नोच डिजाइन डिस्प्ले हुनेछ जसको रिफ्रेस रेटले ९० हर्ट्जलाई समर्थन गर्नेछ। रिपोर्टका अनुसार यो फोनमा ४ जीबी र्याम र ३२ जीबी इन्टरनल मेमोरी हुन सक्छ। यसमा ५००० एमएएचको ब्याट्री हुने बताइएको छ। यो एन्ड्रोइड १२ अपरेटिङ सिस्टममा आधारित हुनेछ। प्रयोगकर्ताहरूले जियोका सबै एपहरू यसमा पूर्वनिर्धारित रूपमा इन्स्टल हुनेछन्।