सामसङको टाइजेन ओएस अन्य ब्रान्डका टिभीहरूमा आउँदै

काठमाडौं ।

गत हप्ता एलजीले तेस्रो पक्ष टिभी निर्माताहरूलाई यसको वेबओएस प्लेटफर्म प्रयोग गर्न अनुमति दिने घोषणा गर्यो र अब यसको मुख्य प्रतिद्वन्द्वीले त्यसलाई पछ्याउँदैछ।

सामसङले अकाई, आरसीए र युरोप, अष्ट्रेलिया र न्यूजील्याण्डमा बेच्ने अन्य ब्रान्डहरू (बौन, लिन्सार, सन्नी, भिस्पेरा) सँग साझेदारी गर्दै पहिलो पटक गैर-सामसंग टिभी मोडेलहरूमा प्रयोग गर्नको लागि आफ्नो टाइजेन ओएस टिभी प्लेटफर्मलाई इजाजत दिने खुलासा गरेको छ।

साझेदारीले ती उत्पादकहरूलाई टाइजेन ओएस सुविधाहरू जस्तै सामसङ टिभी प्लस (नि:शुल्क स्ट्रिमिङ टिभी र भिडियो प्लेटफर्म),सर्च र व्यक्तिगत सिफारिसहरूको लागि विश्वव्यापी गाइड, र सामसङको बिक्सबी र अन्य भ्वाइस असिस्टेन्टहरूमा पहुँच दिन्छ।

एलजीले अन्य टिभी निर्माताहरूलाई वेबओएस लाइसेन्स दिने घोषणा गर्दा, यी सम्झौताहरूले ग्राहकहरूलाई कम मूल्यका स्मार्ट टिभीहरूमा अर्को विकल्प दिन्छ। अन्यथा एन्ड्रोइड टिभी, रोकु वा अमेजनको फायर टिभी चलाउनु पर्नेछ।

सामसंगले आफ्नो टाइजेन प्लेटफर्म खोल्दैछ भन्ने तथ्यको अर्थ यो कुनै समयमा नेपालमा बेचिने अन्य टिभी ब्राण्डहरूमा  पनि आउन सक्छ।