काठमाडौं ।
आइफोन निर्माता एप्पलको चाइना सप्लायर लक्ससेयर प्रेसिजन इन्डस्ट्रीले प्रमुख ताइवानी कम्पनी किन्न शेल कम्पनी प्रयोग गरेको आरोप लागेको छ।
लक्ससेयरका अध्यक्ष ग्रेस वाङले आफ्नो फर्मको पहिचान लुकाउन र ताइवानमा मुख्यालय रहेको स्पीड टेकको शेयर खरिद गर्न हङकङको एउटा फर्म प्रयोग गरेको आरोप लागेको हो।
चिनियाँ कम्पनीहरूले स्थानीय प्रशासनबाट स्वीकृति लिएर मात्र ताइवानमा व्यापार गर्न पाउँछन्। यसअघि ताइवानले लक्सेयरलाई ताइवानी आपूर्तिकर्ताबाट महत्वपूर्ण व्यापार जानकारी चोरेको आरोप लगाएको थियो।
ब्लूमबर्गले रिपोर्ट गरेअनुसार ताइवानी अभियोजकहरूले वाङले सन् २०१२ मा स्पीड टेकको शेयर गलत रूपमा खरिद गरेको आरोप लगाउँदै अदालतमा मुद्दा दायर गरेका छन्। केबल, चार्जर र एन्टेना जस्ता सामान र कम्पोनेन्टहरू उत्पादन गर्ने लक्ससेयर विगत केही वर्षयता सबैभन्दा ठूलो आईफोन एसेम्बलिङ फर्महरूमध्ये एक बनेको छ।
हालै ताइवानले धेरै चिनियाँ कम्पनीहरूले प्रविधि चोरेको आरोप लगाएको छ। अभियोजकहरूकाअनुसार लक्ससेयरले साथै ताइवानी फर्मबाट एप्पलबाट अर्डरहरू सुरक्षित गर्नका लागि महत्त्वपूर्ण व्यापार जानकारी चोरेको थियो भने सो कम्पनीका आवश्यक भन्दा धेरै कामदारहरूलाई काममा राखेको थियो।
लक्ससेयरले अर्को ताइवानी फर्म क्याचर टेक्नोलोजीलाई लक्षित गर्दै एप्पलबाट अर्डर प्राप्त गरेको अनुसन्धानले पत्ता लगायो। यस मामिलामा १४ जनालाई विश्वासघातको आरोप लगाइएको छ।
यसका साथै एप्पलले आफ्नो बलियो स्थितिको दुरुपयोग गरेको आरोप पनि लाग्दै आएको छ। भारतको प्रतिस्पर्धा आयोग (सीसीआई) ले एप स्टोरमा अनुचित व्यापार अभ्यासको बारेमा एप्पल विरुद्ध छानबिन गर्न आदेश दिएको छ। कम्पनीले बजारमा आफ्नो हैसियतको दुरुपयोग गरेको आरोप लागेको थियो।
प्रकाशित: १८ भाद्र २०७९, शनिबार
