आगामी १२ महिनामा एक्सबक्सले पाँच नयाँ गेम सार्वजनिक गर्ने

काठमाडौं ।

माइक्रोसफ्टको गेमिङ कम्पनी एक्सबक्सले आगामी १२ महिनामा ५ नयाँ गेम सार्वजनिक गर्ने भएको छ।

कम्पनीले २०२२ मा एक्सबक्स कन्सोल, पीसी र क्लाउड प्लेटफर्मका लागि पनि ५ वटा गेम्स सार्वजनिक गरेको छ। जसमा हेलो इन्फिनिटी, फ्रोजा होराइजन ५, ब्रेन नेभिगेटर २, एज अफ एम्पायर्स ४ र माइक्रोसफ्ट फ्लाइट सेमुलेसन गेम छ।

कम्पनीले आगामी वर्ष थप ५ वटा नयाँ गेम ल्याउन लागेको गिगचाइनाले उल्लेख गरेको छ। गुणस्तरिय गेम्स निर्माण गरेको भनेर मेटाक्रिटिकबाट एक्सबक्स स्टुडियोले वर्षको उत्कृष्ट प्रकाशकको पुरस्कार पनि प्राप्त गरेको छ।

कम्पनीले बेथस्डा गेम स्टुडियो र आर्केन्स रेडफल सार्वजनिक गर्न केही ढिलाइ गरेको छ। अब यी गेम सन् २०२३ को मध्यमा सार्वजनिक गरिने छ।

यी दुई गेम बाहेक माइक्रोसफ्टले अन्य गेम पनि गेमरका लागि ल्याउने छ।