एप्पलले गुमायो विश्वको सबैभन्दा मूल्यवान कम्पनीको स्थान

काठमाडौं ।

आईफोन निर्माता कम्पनी अमेरिकी टेक जायन्ट एप्पल इंकले अब विश्वको सबैभन्दा मूल्यवान कम्पनीको शिर्षक गुमाएको छ। साउदी अरेबियाको सरकारी तेल कम्पनी साउदी अरामकोले एप्पललाई पछि पार्दै यो उपाधि हासिल गरेको छ। साउदी अरामकोले तेलको मूल्यमा भएको उछालबाट फाइदा उठाएको बीबीसीले रिपोर्ट गरेको छ।

साउदी अरबको तेल र ग्यास उत्पादक अरामकोले लगभग दुई वर्षमा पहिलो पटक आईफोन निर्माताबाट शीर्ष स्थान पुन: प्राप्त गरेको छ।

लगानीकर्ताहरूले टेक्नोलोजी फर्महरूका सेयर बेचेका छन् र तिनीहरू कम जोखिमपूर्ण सम्पत्तिको रूपमा अन्य तर्फ हेरिरहेका छन्।

बजारमा बिटक्वाइन, अन्य प्रमुख क्रिप्टोकरेन्सीहरू र डिजिटल सम्पत्तिहरू पनि तीव्र रूपमा गिरावट जारी राखेका छन्।

बुधवार न्यूयोर्कमा एप्पलको सेयर ५ प्रतिशत भन्दा बढीले घटेको छ र व्यापार दिनको अन्त्यमा २.३७ ट्रिलियनको शेयर बजार मूल्याङ्कनमा पुगेको छ।

यसले तेल र ग्यास उत्पादक अरामकोलाई विश्वको सबैभन्दा मूल्यवान कम्पनीको रूपमा आफ्नो स्थान छोड्नुपरेको छ छ, जसको मूल्य २.४२ ट्रिलियन डलर थियो।

यस वर्षको सुरुमा एप्पलको बजार मूल्य ३ ट्रिलियन डलर पुगेको थियो भने अरामको १ ट्रिलियन डलरले पछाडि थियो । तर, त्यसयता एप्पलको सेयर करिब २० प्रतिशतले घटेको छ भने आरामकोको सेयर २८ प्रतिशतले बढेको छ। अमेरिकी कम्पनीहरूमा एप्पल अझै पनि पहिलो नम्बरमा छ भने माइक्रोसफ्ट १.९५ ट्रिलियन डलरको बजार पुँजीका साथ दोस्रो स्थानमा छ ।

फेब्रुअरीमा रुसले युक्रेनमा आक्रमण गरेपछि कच्चा तेलको मूल्य ह्वात्तै बढेको छ।जसले विश्व बजारमा तेलको मूल्य उच्च बनाएको छ।