कनेक्ट आईपीएसमार्फत गरिएको कारोबार रकम बढ्दो, एक महिनामै १७ अर्बको वृद्धि

काठमाडौं ।

कनेक्ट आईपीएस सेवामार्फत गरिएको कारोबार रकम एक महिनामा १७ अर्ब ४३ करोड ८० लाख रुपैयाँले बढेको छ।

नेपाल राष्ट्र बैंकले हालै प्रकाशित गरेको आर्थिक वर्ष २०७८/७९ को चैत्र महिनासम्मको चालु स्थूल अर्थतन्त्रात्मक वित्तीय अवस्थासम्बन्धी प्रतिवेदनमा यो आँकडा उल्लेख गरिएको छ।

प्रतिवेदन अनुसार कनेक्टआईपीएसमार्फत् फागुन महिनाभरी ३३ लाख ३९ हजार ५५४ कारोबार भएकामा यो सङ्ख्या चैत्र मसान्तसम्ममा आइपुग्दा २ लाख ६५ हजार ८७६ ले बढेर ३६ लाख ५ हजार ४३० मा पुगेको छ।

कारोबार सङ्ख्या बढेसँगै कारोबार रकममा पनि उस्तै हिसाबले वृद्धि भएको छ।

प्रतिवेदन अनुसार फागुन मसान्तसम्म कनेक्ट आईपीएसमार्फत् २ खर्ब ७३ अर्ब ५८ करोड रुपैयाँ बराबरको कारोबार भएकामा यो रकम एक महिनाको अवधिमा १७ अर्ब ४३ करोड ८० लाख रुपैयाँले बढेर २ खर्ब ९१ करोड २९ लाख ६० हजार रुपैयँमा पुगेको छ।

यस्तो छ कनेक्ट आईपीएसमार्फत् चैत्र महिनासम्मको कारोबार: