ताजा समाचार

मोबाइलको सिमकार्ड कागजात रुजु नगरी बिक्री नगर्न दूरसञ्चार प्राधिकरणको निर्देशन

मोबाइलको सिमकार्ड कागजात रुजु नगरी बिक्री नगर्न दूरसञ्चार प्राधिकरणको निर्देशन
Global IME Bank

नेपाल दूरसञ्चार प्राधिकरणले मोबाइल सेवा प्रदायकहरुलाई अबदेखि सिमकार्ड/रिमकार्डहरू बिक्री वितरण गर्दा आवश्यक कागजात रुजु गर्न निर्देशन दिएको छ।

प्राधिकरणले ग्राहकले भर्नुपर्ने केवाईसी फाराम रितपूर्वक नभरी र नियमानुसार कागजातहरू रुजु नगरी सेवा प्रदायकहरूले सिमकार्ड/रिमकार्ड बिक्री वितरण भइरहेको जानकारी पाएकाले कडाईका लागि यस्तो निर्देशन जारी गरेको बुझिएको छ।

प्राधिकरणको निर्देशनमा मोबाइल सेवा प्रदायकलाई मात्रै नतोकिई ग्राहकलाई पनि आफ्नै वास्तविक विवरणको आधारमा मात्र सिमकार्ड/रिमकार्ड खरिद गर्नु जानकारी गराइएको छ।

यो सूचना विपरीत हुनेगरी सिमकार्ड/रिमकार्ड खरिद बिक्री गरेको पाइएमा प्रचलित कानून बमोजिम कारबाही हुने पनि प्राधिकरणले जानकारी गराएको छ।

Sajilo Visa
easy care