ताजा समाचार

सामाजिक सञ्जालको दुरुपयोग रोक्ने कार्ययोजना बनाउन निर्वाचन आयोगको गृहलाई निर्देशन

सामाजिक सञ्जालको दुरुपयोग रोक्ने कार्ययोजना बनाउन निर्वाचन आयोगको गृहलाई निर्देशन
Global IME Bank

निर्वाचन आयोगले गृह मन्त्रालयलाई सामाजिक सञ्जालको दुरुपयोग रोक्न निगरानी र अनुगमनको पाटोबारे कार्ययोजना बनाउन निर्देशन दिएको छ।

आयुक्त ईश्वरीप्रसाद पौड्यालले उच्च स्तरीय निर्वाचन सुुरक्षा समन्वय समितिको बैठकमा गृह मन्त्रालयलाई उक्त निर्देशन दिएका हुन् ।

बैठकमा गृह सचिव टेकनारायण पाण्डेले एकीकृत सुरक्षा योजनाबारे जानकारी गराएका गृह मन्त्रालयका प्रवक्ता एवं सुरक्षा तथा समन्वय महाशाखाका प्रमुख फणीन्द्रमणि पोखरेलले बताए ।

गृह सचिवले एकीकृत सुरक्षा योजना लागू भइसकेको र त्यस सम्बन्धमा नियमित विश्लेषण भइरहने जानकारी गराएका थिए।

आयुक्त पौडेलले चुनावमा सामाजिक सञ्जालको दुुरुपयोग रोक्ने उपाय सम्बन्धमा के कस्तो तयारी रहेको जिज्ञासा राखेको र दुरुपयोग हुन नदिन आवश्यक संयन्त्र बनाउन निर्देशन दिएको गृह प्रवक्ता पोखरेलले बताए।

गृह सचिव पाण्डेले उक्त विषयमा सञ्चार तथा सूचना प्रविधि मन्त्रालयसँग समन्वय गर्ने बताएका थिए ।

आयोगले तोकेको आयुक्त संयोजक रहने उच्च स्तरीय समितिमा गृह, रक्षा, निर्वाचन आयोगका सचिव तथा प्रधानसेनापतिले तोकेको नेपाली सेनाको रथी, नेपाल प्रहरीका प्रहरी महानिरीक्षक, सशस्त्र प्रहरी महानिरीक्षक, मुख्य अनुसन्धान निर्देशक र आयोगको प्रशासन महाशाखाका सहसचिव सदस्य सचिव रहने व्यवस्था छ। गोरखापत्रबाट

Sajilo Visa
easy care