LG

एलजीका तीन फोनमा यो वर्षको दोस्रो त्रैमासमा एन्ड्रोइड १२ उपलब्ध हुने

एलजीका तीन फोनमा यो वर्षको दोस्रो त्रैमासमा एन्ड्रोइड १२ उपलब्ध हुने
Global IME Bank

केही समय अघि आफ्नो मोबाइल व्यवसाय बन्द गरेको एलजीका तीन फोनमा एन्ड्रोइड १२ अपडेट उपलब्ध हुने भएको छ।

मोबाइल व्यवसाय बन्द गरे पनि कम्पनीले हाल चलिरहेका डिभाइसहरुमा २०२५ सम्म फर्मवेयर अपडेट उपलब्ध गराइरहने वाचा गरेको छ।

यसै कोरियाली कम्पनी एलजीले हालै तीन ओटा डिभाइसमा एन्ड्रोइड १२ अपडेट आउन लागेको घोषणा गरेको हो। यसबाहेक अन्य तीनमा भने सेक्युरीटी अपडेट मात्र आउने र ती सबै अपडेट यो त्रैमासको अन्त्यसम्म पूरा भइसक्ने कम्पनीलाई उद्धृत गर्दै जीएसमएमएरिनाले जनाएको छ।

यी अपडेटहरु शुरुमा दक्षिण कोरियामा उपलब्ध हुने र त्यसपछि विश्वका अन्य देशका डिभाइसमा पठाइने बुझिएको छ।

यो अपडेट आधिकारिक भर्सन भए पनि एन्ड्रोइड ११ बाट १२ मा जाने क्रममा फाइलहरु नष्ट हुन सक्ने हुनाले कम्पनीले ग्राहकहरुलाई आफ्ना महत्वपूर्ण डाटाको ब्याकअप राख्न पनि आग्रह गरेको छ।

यी फोनले पाउनेछन् अपडेट

मोबाइल मोडल अपडेटको किसिम
एलजी क्यू९२ फाइभजी एन्ड्रोइड १२
एलजी भी५० थिनक्यू एन्ड्रोइड १२
एलजी भी५०एस थिनक्यू एन्ड्रोइड १२
एलजी क्यू५२ सेक्युरिटी अपडेट
एलजी विङ सेक्युरिटी अपडेट
एलजी भेलभेट सेक्युरिटी अपडेट
Sajilo Visa
easy care