काठमाडौं ।
एलजी डिस्प्लेले आफ्नो नेक्स्ट जेनरेशन ओएलईडी टेक्नोलोजी लन्च गरेको छ, जसलाई ओएलईडी एक्स (OLED EX) नाम दिइएको छ। कम्पनीका अनुसार यो प्रविधिले साधारण ओएलईडी डिस्प्लेको तुलनामा ३० प्रतिशत बढी ब्राइटनेस दिनेछ। यस बाहेक यसले तस्विर शुद्धता पनि बढाउँछ। साथै यसमा पातलो बेजेल पनि दिइनेछ।
प्यानलमा भएको सुधारमा दुईवटा प्रमुख तत्वले प्रमुख भूमिका खेलेको कम्पनीले जानकारी दिएको छ। पहिले, एलजीको ओएलईडी प्यानलमा ड्युटेरियम (Dueterium) नामक विशेष तत्व प्रयोग गरिएको छ। एकै समयमा, नयाँ एल्गोरिथ्मले सुसज्जित इमेज प्रोसेसिङ्ग अब नयाँ प्यानलमा थपिएको छ।
माथि उल्लिखित दुई परिवर्तनहरू मध्ये दोस्रोमा, एलजीले नयाँ इमेज प्रोसेसिङ्गले व्यक्तिको हेर्ने बानीको आधारमा टिभीमा प्रत्येक व्यक्तिगत लाइट-एमिटिङ्ग डायोडको प्रयोग पत्ता लगाउनेछ र डिस्प्लेको ऊर्जा इनपुटलाई सही रूपमा समायोजन गर्ने बताएको छ। यसले टिभीमा हेरिने भिडियो सामग्रीको रंग र विवरणहरू सहीरूपमा प्रस्तुत गर्न सकिन्छ।
एलजीले ओएलइडी एक्ससँग घटाइएको बेजेल साइज अलि ठोस भएको दाबी गरेको छ। ६५ इन्चको ओएलईडी डिस्प्लेलाई आधार मानेर त्यसको गणनाका आधारमा बेजेल ६ एमएमबाट ४ एमएममा घटाइने कम्पनीले जनाएको छ।
एलजीले आफ्नो सबै ओएलइडी प्यानलहरूमा ओएलइडी एक्स प्रविधि समावेश गर्न लागेको छ, र यो २०२२ को दोस्रो त्रैमासिकदेखि सुरु हुँदैछ। तर, यो प्रविधि सबै ग्राहकसम्म पुग्न कति समय लाग्ने भन्ने अहिले नै स्पष्ट छैन ।
प्रकाशित: १७ पुष २०७८, शनिबार
