पृथ्वी ध्वस्त गर्न आउँदैछ ठुलो स्टेरोइड, अब बचाउने छ यो अन्तरिक्ष यानले

काठमाडौं ।

एउटा ठूलो क्षुद्रग्रह पृथ्वी तर्फ सर्दैछ, जुन हाल पृथ्वीबाट करिब १ करोड ७७ लाख २ हजार ७८४ किलोमिटर टाढा छ । यस क्षुद्रग्रहलाई नष्ट गर्न नासाले अन्तरिक्ष यान प्रक्षेपण गरेको थियो, जसले उक्त क्षुद्रग्रहको पहिलो तस्बिर हालै पठाएको छ।

एस्टेरोइड रोक्न नासाको ‘विशेष मिशन’

द सनमा प्रकाशित रिपोर्टका अनुसार नासाको अन्तरिक्ष यान पृथ्वीबाट ३२ लाख १८ हजार ६८८ किलोमिटर मात्र टाढा पुगेको छ। अन्तरिक्ष यानले डार्को DRACO टेलिस्कोप क्यामराको सहयोगमा क्षुद्रग्रहको तस्बिर पठाएको हो।

अन्तरिक्षयानले पृथ्वीलाई बचाउने

उल्लेखनीय कुरा के छ भने, यदि नासाको अन्तरिक्ष यान क्षुद्रग्रहलाई नष्ट गर्न सफल भएको खण्डमा यसलाई अन्तरिक्ष रक्षाको क्षेत्रमा ठूलो उपलब्धि मानिनेछ। यो अन्तरिक्ष यानले पृथ्वीलाई क्षुद्रग्रहबाट हिरोको जस्तै बचाउनेछ। नासाले यो मिसन डबल एस्टेरोइड रिडायरेक्शन टेस्ट (डार्ट) अन्तर्गत गरिरहेको छ।

क्षुद्रग्रहसँग कहिले ठोक्किनेछ?

अन्तरिक्ष यानले यसको प्रक्षेपण भएको दुई हप्तापछि क्षुद्रग्रहको तस्वीर पठाएको हो। यो अन्तरिक्ष यान क्यालिफोर्नियाको बेसबाट प्रक्षेपण गरिएको थियो। डार्टको यो मिशन सेप्टेम्बर २०२२ मा पूरा हुनेछ। अन्तरिक्ष यानले यस यात्राको क्रममा क्षुद्रग्रहका थप तस्बिरहरू पनि पठाउनेछ।

डार्टको यो अन्तरिक्ष यान १५ हजार माइल प्रतिघण्टा अर्थात २४ हजार १४० किलोमिटर प्रतिघण्टाको गतिमा क्षुद्रग्रहमा ठोकिनेछ। जब यो अन्तरिक्ष यान क्षुद्रग्रहसँग ठोक्किन्छ, तब अमेरिकी अन्तरिक्ष एजेन्सी नासा र युरोपेली अन्तरिक्ष एजेन्सीका वैज्ञानिकहरूले टेलिस्कोपको सहायताले डार्ट मिसन सफल भयो वा भएन भनेर जाँच गर्नेछन्।

यस मिशनको बारेमा जानकारी सङ्कलन गर्न, एउटा सानो क्युबस्याट पनि अन्तरिक्षमा पठाइएको थियो, जसले हाल पृथ्वीमा डाटा पठाउँदैछ।