ब्ल्याक फ्राइडेको दिन ‘अमेजन यूके’को गोदाम अगाडी विरोध गर्ने १३ जना पक्राउ

काठमाडौं ।

वर्षको सबैभन्दा व्यस्त रिटेल बिक्रेताको दिन ‘ब्ल्याक फ्राइडे’ मा जलवायु परिवर्तनका कार्यकर्ताहरूले बेलायतको अमेजनका गोदामहरू अवरुद्ध गरेपछि १३ जनालाई पक्राउ गरिएको छ।

एक्सटिङ्ग्सन रेबेलियनले डनफर्मलाइन, फिफमा रहेको रिटेल जायन्टको सबैभन्दा ठूलो वितरण केन्द्र सहित १३ ओटा यूके साइटहरूलाई लक्षित गरेको थियो।

यसले अमेजन कामदारहरूको कथित शोषण र व्यर्थ व्यापार अभ्यासहरूमा ध्यानाकर्षण गर्न भनेको छ।

अमेजनले आफ्नो “जिम्मेवारीहरूलाई धेरै गम्भीरताका साथ लिएको” बताएको छ।

अभियान समूहले बाँसको संरचना, तालाबन्दी र ब्यानर प्रयोग गरी धेरै प्रवेशद्वारहरू अवरुद्ध गरेको र कम्तिमा ४८ घण्टा बस्ने योजना बनाएको बताएको रिपोर्टमा उल्लेख छ।

तर, केही नाकाबन्दी मध्यरातमा हटाइएको थियो।

प्रदर्शनहरू बेलायती समयअनुसार ४ बजे डनफर्मलाइन गोदाममा सुरु भयो, जहाँ लगभग २० कार्यकर्ताहरूले लरीहरूलाई साइटमा प्रवेश गर्न र केहीलाई बाहिरीनबाट रोके। त्यसैगरी अन्य गोदामहरुमा समेत अवरोध गरिएको थियो।

प्रहरीले पछि प्रदर्शनकारीहरुलाई पक्राउ गरेको थियो भने गोदाम जाने बाटोहरु खुलाएको थियो।