काठमाडौं ।
इलेक्ट्रिक कार निर्माता कम्पनी टेस्लाले अमेरिकाको टेक्सास राज्यका स्थानीय बासिन्दाहरुलाई उर्जा बेच्न चाहेको खुलासा भएको छ ।
टेक्सास राज्यको सार्वजनिक उपयोगिता आयोगसंग कम्पनीद्वारा दायर एक आवेदन अनुसार, टेस्लाले टेक्सासका उपभोक्ताहरुलाई सीधै बिजुली बेच्न चाहेको छ।
जतिबेला इलेक्ट्रिक कार निर्माता कम्पनी टेस्लाले अमेरिकाको एंगलटन, टेक्सासमा एक गोप्य १०० मेगावाट ऊर्जा भण्डारण परियोजनाको निर्माण शुरू गरिरहेको थियो त्यसबेला त्यहाँ कम्पनीले सो फ्यासिलिटीका साथ के गर्छ भन्ने योजनाको बारेमा प्रश्नहरु थिए। अब सो प्रश्नको उत्तर आएको छ ।
टेस्ला एनर्जी भेन्चर्स, अटोमेकरको एक पूर्ण स्वामित्व भएको सहायक कम्पनीले अगस्तको मध्यमा यो कदम चालेको टेक्सास मासिकलाई उल्लेख गर्दै इन्ग्याजेटले जनाएको छ। यदि अनुमोदन भयो भने, कम्पनीले नोभेम्बरको शुरुमा स्थानीय बासिन्दाहरुलाई बिजुली बेच्न सुरु गर्न सक्छ।
टेस्लाले दक्षिण अष्ट्रेलिया र क्यालिफोर्नियालगायत विश्वका बिभिन्न भागहरुमा उपयोगिता मापन उर्जा भण्डारण परियोजनाहरु बनाएको छ, तर अहिलेसम्म ती सुविधाहरुमा भण्डारण बिजुलीलाई सीधै उपभोक्ताहरुलाई बेचेको छैन् । यसको सट्टामा कम्पनीले अन्य उर्जा प्रदायकहरुसंग उनीहरुको भण्डारण आवश्यकताहरुका साथ मद्दत गरेर काम गर्ने प्रवृत्ति रहेको छ।
प्रकाशित: १४ भाद्र २०७८, सोमबार
