गुगलद्वारा एन्ड्रोइड १३ को आन्तरिक कोडनेम तिरामिसु राख्ने पक्का

काठमाडौं ।

गुगलले एन्ड्रोइडको हरेक नयाँ भर्सनलाई मिठाइसँऊ सम्बन्धित नयाँ नयाँ नाम दिँदै आएको छ।

यी नामहरु कपकेकबाट शुरु भएर डोनट, इक्लेयर्स, फ्रोयो, जिन्जरब्रेड, हनिकम्ब, आईसक्रिम स्यान्डविच, जेलिबिन, किटक्याट, ललिपप, मार्शमेलो, नुगट, ओरियो, पाइ हुँदै एन्ड्रोइड १० मा पुगेपछि बन्द जस्तै भएको थियो। १०, ११ र १२ को नाम दिइए पनि त्यति प्रचार गरिएको थिएन।

एन्ड्रोइड १०, ११ र १२ को भने कुनै मिठाइ सम्बन्धी कोडनेम दिइएको थिएन। तर एन्ड्रोइड १३ का लागि भने तिरामिसु भन्ने नाम दिने भएको हो।

अंग्रेजी अक्षरअनुसार एन्ड्रोइड टी को पालो भएकाले यो भर्सनलाई त्यसबाट आउने नाम तिरामिसु दिइएको बुझिएको छ।

यो भर्सन सामान्य हिसाबले एन्ड्रोइड १३ का नामले नै चिनिनेछ।

यो जानकारी एक ओपन सोर्स एन्थुजियास्ट नामका व्यक्तिदे ट्विटरमा शेयर गरेका हुन्।

एन्ड्रोइड १० ११ र १२ को कोडनेम चर्चा हुने गरी बाहिर नल्याइए पनि कम्पनीको चलन अनुसार क्रमश: क्विन्स टार्ट, रेड भेल्भेट केक र स्नो कोन नाम दिइएको थियो।

तर यी भर्सनहरुलाई यूजरहरुले यी नामले भन्दा पनि एन्ड्रोइड १०, ११ र १२ कै नामले चिन्ने गरेका थिए।

एन्ड्रोइड १२ नै आधिकारिक रुपमा सबैका लागि रिलिज हुने क्रममा रहेकाले तिरामिसु अर्थात् एन्ड्रोइड १३ को बिटा भर्सनकै लागि पनि कम्तीमा आउँदो वर्षको मार्चसम्म कुर्नुपर्ने आकलन गरिएको छ।