मेसेजिङ्ग एप ह्वाट्सएपले यूपिआई पेमेन्ट फिचर ल्याउँदै

काठमाडौं ।

प्रयोगकर्ताहरूले आगामी दिनमा तत्काल इन्स्ट्यान्ट मेसेजिङ्ग एप ह्वाट्सएपबाट यूपीआई भुक्तान गर्न सक्षम हुनेछन्। यो व्हाट्सएप अपडेट ट्र्याकिंग गर्ने डब्लूएबिटाइन्फो (WABetaInfo) पछिल्लो रिपोर्टमा खुलासा भएको छ।

डब्लूएबिटाइन्फोका अनुसार फेसबुकको स्वामित्वमा रहेको व्हाट्सएप युपीआई भुक्तानीको विकल्पमा काम गरिरहेको छ। गत बर्ष ह्वाट्सएपले आफ्ना प्रयोगकर्ताहरूका लागि भुक्तानी प्लेटफर्म सुरू गर्यो। अब कम्पनीले यसमा केही परिवर्तन गरिरहेको छ।

डब्लूएबिटाइन्फोको रिपोर्ट अनुसार यस फिचरको उपलब्धताका साथ व्हाट्सएप प्रयोगकर्ताहरूले कुनै पनि भुक्तानी अनुरोध बिना नै सीधा यूपीआई भुक्तान गर्न सक्नेछन्।

ह्वाट्सएप प्रयोगकर्ताहरूले यूपीआई भुक्तान मार्फत उनीहरूका साथीहरू र सम्पर्कहरूलाई पैसा पठाउन सक्छन्। यस बाहेक, प्रयोगकर्ताहरुले कन्ट्याक्टसलाई भुक्तान अनुरोधहरू पनि पठाउन सक्नेछन् । यसको साथै प्रयोगकर्ताहरूले कुनै पनि सम्पर्कको लागि यो सुविधा इनेबल गर्न सक्दछन्।

पछिल्लो रिपोर्टका अनुसार कम्पनीले अब सबै प्रयोगकर्तालाई यूपीआई भुक्तान सेवा प्रदान गर्न चाहन्छ जसले गर्दा पेमेन्ट रिक्वेस्टमा प्रयोगकर्ताहरूको निर्भरता हटाउन सकियोस् ।

यस फिचर रिलीज पछि प्रयोगकर्ताले सजीलै यूपीआई भुक्तानी कन्फिगर गर्न सक्नेछ र बैंक खातामा लिंक गरे पछि ह्वाट्सएप मार्फत कुनै पनि आफ्ना सम्पर्कको साथ पैसा लेनदेन गर्न सक्नेछ।

यद्यपि कम्पनीले यस सुविधा कहिले जारी गर्ने भन्ने बारे धेरै जानकारी दिइएको छैन। एजेन्सी