काठमाडौं ।
काठमाडौं उपत्यकामा वैशाख १६ गते विहान ६ बजेदेखि वैशाख २२ गते राति १२ बजेसम्म अत्यावश्यक बाहेकका सेवा र यातायात बन्द गरिने भएको छ ।
कोरोना भाइरसको संक्रमण बढेसँगै उपत्यकाका तीनवटै जिल्ला प्रशासन कार्यालयहरुले अत्यावश्यक बाहेकका सेवाहरु बन्द गर्ने निर्णय गरेका हुन् ।
यस बिचमा जिल्ला प्रशासन कार्यालय काठमाडौंले अत्यावश्यक सेवामा समावेश भएका दूरसञ्चार सेवाहरु तथा इन्टरनेट सेवा तथा सो सेवाका लागि प्रयोग हुने सवारी साधनहरुलाई भने सञ्चालन गर्न दिने भएको छ ।
बैशाख १६ गतेदेखि एक साताका लागि प्रशासनले निषेधाज्ञा जारी गरेको हो ।
प्रकाशित: १३ बैशाख २०७८, सोमबार
