ग्याजेट्स

शाओमीको एमआई टिभी स्टिक बजारमा, कुनै पनि टिभीलाई स्मार्ट टिभीमा रूपान्तरण गर्ने

शाओमीको एमआई टिभी स्टिक बजारमा, कुनै पनि टिभीलाई स्मार्ट टिभीमा रूपान्तरण गर्ने
Global IME Bank

स्मार्टफोन ब्रान्ड शाओमीले स्मार्ट, कम्प्याक्ट र पोर्टेबल ग्याजेटको रूपमा एमआई टिभी स्टिक नेपाली बजारमा ल्याएको छ ।

कम्पनीले नयाँ वर्ष २०७८ को पहिले दिन पारेर कुनै पनि ननस्मार्ट टिभीलाई स्मार्ट टिभीमा रूपान्तरण गर्ने लक्ष्यसहित टिभी स्टिक ल्याएको हो ।

एन्ड्रोइड टिभी ९.० द्वारा सञ्चालित एमआई टिभी स्टिकले गुगल प्लेमार्फत ५ हजारभन्दा बढी एप्स र गेमहरूको पहुँच प्रदान गर्ने जनाइएको छ । एमआई टिभी स्टिक कम्प्याक्ट र लाइटवेट डिजाइन रहेको कम्पनीले जनाएको छ ।

यसमार्फत प्रयोगकर्ताले अब कुनै पनि टिभीमा पूर्ण एचडी रेजोलुसनमा हजारौँ घन्टा मनोरञ्जन तथा सूचना लिन सक्ने कम्पनीले जनाएको छ । टिभी स्टिकलाई ३० सेकेन्डभन्दा कममा जडान गर्न सकिने कम्पनीको दाबी छ । यसमा ग्याजेटमा सिनेमाजस्तो अनुभवका लागि डोल्बी र डिटिएस अडियो कम्प्रेसन प्रविधि रहेको जनाइएको छ ।

शाओमी नेपालका कन्ट्रि जनरल म्यानेजर सौरभ कोठारीले शाओमीले ग्राहकको मनोरञ्जनलाई बैठक कोठाको आराममा केन्द्रित गरिरहेको बताए । एमआई टिभी स्टिकको लन्चसँगै कम्पनी उपभोक्तालाई स्मार्ट टिभी अनुभव प्रदान गर्नमा केन्द्रित रहेको उनको भनाइ थियो ।

विशेषतः यो टिभि स्टिक एन्ड्रोइड टिभीको संस्करण ९९।००मा सञ्चालित रहेको जनाइएको छ । यो नेटफ्लिक्स, प्राइम भिडियो, डिज्नी प्लस हटस्टार, हंगामा प्ले, जी–फाइभ, आहा मनोरञ्जनजस्ता ओटिटी प्लेयरको पहुँचका साथ अनलाइन सामग्री स्ट्रिमिङका लागि एक स्टप गन्तव्य बनेको कम्पनीले जनाएको छ ।

गुगल प्ले स्टोरमा ५ हजारभन्दा बढी एप्लिकेसनको उपलब्धताका साथ एमआइटिभी स्टिकले गुगल प्ले स्टोरमा खेल खेल्ने विकल्पको अधिकता पनि प्रदान गरेको जनाइएको छ ।

यसमा गुगल सहायकद्वारा सञ्चालित भ्वाइस सर्च रहेकाले प्रयोगकर्ताले आफ्नो योजना बनाउन, पछिल्लो अपडेट/समाचार प्राप्त गर्न, मनपर्दो सामग्री प्ले खोजी गर्न र अन्य स्मार्ट घरेलु उपकरण नियन्त्रण गर्नका लागि उपयोग गर्न सक्ने कम्पनीले जनाएको छ ।

यो क्रोमकास्ट बिल्ट–इनका साथ उपलब्ध रहेकाले प्रयोगकर्ताको सबै मनपर्ने एप्सहरूबाट सामग्रीहरू–मोबाइलहरू/ट्याब्लेटहरू/ल्यापटपहरू कास्ट गर्न सक्ने जनाइएको छ ।

एमआई टिभी स्टिकको बजार मूल्य ६ हजार रुपैयाँ तोकिएको कम्पनीले जनाएको छ ।

Sajilo Visa
easy care