ताजा समाचार

दुई बैंकका एटीएम फुटाएर चोरीको प्रयास गर्ने व्यक्ति पक्राउ

Global IME Bank

केही दिन अघि एटीएम फुटाएर चोरी गर्ने प्रयास गरी फरार रहेको व्यक्तिलाई प्रहरीले पक्राउ गरेको छ।

पक्राउ पर्नेमा गोरखा सिरानचोक गाउँपालिका-५ घर भएर हाल ललितपुर च्यासल बस्दै आएका ३० वर्षीय भेषबहादुर थापा रहेको प्रहरीले जनाएको छ।

उनी ललितपुर महानगरपालिका-१४ खुमलटार र विशालचोकस्थित दुई वटा बैंकको एटीएम फुटाएर नगद चोरी गर्न खोजेको आरोपमा पक्राउ परेका हुन्।

प्रहरीका अनुसार ललितपुर महानगरपालिका-१४ खुमलटारस्थित ग्लोबल आइएमई बैंकको एटीएम गत फागुन २८ गते राति र सोही ठाउँ बिशालचोकस्थित सांग्रिला डेभलपमेन्ट बैंकको एटीएम चैत ९ गते फुटाएर नगद चोरी गर्न खोज्ने कार्यमा संलग्न उनलाई ललितपुर महानगरपालिका-१४ ताल्छीखेलस्थित वर्कशपबाट घटनामा प्रयोग भएको बा.३५ प ६१५७ नम्बरको मोटरसाइकल सहित पक्राउ गरिएको हो ।

पक्राउ परेका थापामाथि चोरी उद्योगसम्बन्धी कसूरमा महानगरीय प्रहरी वृत्त सातदोबाटोबाट अनुसन्धान भइरहेको महानगरीय प्रहरी परिसर ललितपुरले जनाएको छ ।

Sajilo Visa
easy care